الجدري منتشر للسياحة

انا ولديه ياه الجدري ووما عرف شو اسوي وديته العياده بس نسيت اسال الدكتوره شو ااكله وردييت البيت اميه اتقوول لا تعطينه شي حا وانا اتوقع الافضل انه يشرب شي حار انتو شرااايكن شو لازم ااكل ولديه ووعادي اذا اسبحه ولا شو ؟؟

سلامته وما يشوف شر انشاء الله

اتصلي للدكتور وأسأليه احسن عن الاكل

وأللي أعرفه يعني من الافضل ما تسبحينه لانه الماي يزيده

بس نحن عندنا نفركهم بشريش واااااااااااااايد زين ومن ثاني يوم يبدن الحبوب يتيبسن

والله يعافيه

اختي لا تسبحينه لانه على السبوح بيزيد بس عن الاكل اعتقد عادي

انا اقولج سبحيييييييييييييييييييييييييييييييه ولاتخافين هذا الكلام قالولنا يوم الجدري ظرب بنت اخويه قالت الدكتوره والممرضه بعد سبحوها وبيظهر كله بسرعه مابيطول وبيتم كل يوم يظهر حبوب وياخذ وقت والله تمت امها اتسبحها كل يوم واتحط لها اي دين الازرق لانه ينشفه ومايخليله اثر وعلى طول ما طول واللي كان ظاربنهم معاها فالبيت طولوا لانه امهم مارظت اتسبحهم

حبيبتي سبحيه
واذا ترومين وديه البحر سبحيه
بيجففه بسرعة
عن تجربة والله
ولا تعطينه البيض ولا برتقال يزيد الحبوب

نفس كلام أم فطوم وام عذاري ولدي من 10 ايام صابه وكنت اسبحه مرتين واحط الدواء واعطيه مال الحساسيه عسب مايتحكك والله لو تشوفينه ماتصدقين انه كان فيه جدري والحين صاب اخته من 5 ايام بس اليوم الحمد الله اشوفه نشف
أهم شى حطي الدواء عسب لا يعلم في جسمه وعطه الدواء مال الحساسيه

لا تسبحيه وخاصة الايام الاولى لين ما يخف الحب عنه ……

واشتري له دوا اسمه زوفيراكس وايد اوكي للجدري مع السائل الللوشن للحكة ما ادري شواسمه