بخبركم شو صار في رمضان كنت حامل وما كنت اعرف
ونهاية رمضان نزلت لي قطعة دم بنية صغيره انا ظنيتها الدوره الحين بتيي
المهم على موعد الدوره ما يات وسويت الفحص المنزلي طلع لي حمل بس مب واضح
رحت عن عياده بالفجيره علشان اتاكد من الموضوع
وفعلا سوت لي فحوصات وخبرتني فيه حمل بس ضعيف وعطتني حبوب مثبته مع حبوب الفوليك
وخبرتني اول ماينزل ما ينزل دم اروح لها
وبعد اسبوع نزل لي الدم ولكن كان يوم الجمعه خفت البيبي فيه شي رحت المستشفى عن طريق الطواري حولوني قسم الحوامل
خبرتهم اني حامل والحين نزل لي دم وتعرفوا انهم كشفوا على وقالوا انتي مب حامل وكيس الحمل مب موجود انا استغربت ورجعت البيت
وسويت فحص المنزلي طلع حمل وخبرت ريلي اللي صار واهو استغرب اكثر مني
والمهم الدم تم متواصل عندي وقلت انتظر ريلي لما يرجع من الدوام علشان يوديني العياده المهم بعد يومين نزلت لي قطعه تشبه البالون فيها دم وذيك الساعه عرفت ان البيبي نزل
بس كان شعور ابد مب حلو وصج افتقدته لان فترة الوحام خلتني احس بوجوده خاصه اني ما كنت اكل الا اللحم مب عارفه ليش
المهم رحت مره ثانيه المستشفى علشان يسوا لي تنظيف للرحم واتخلص من البقايا خبروني بالمستشفى لازم تحجزين موعد عند الدكتوره وتتأكد من وجود شي بالرحم
بصراحه وصلت حدي من القهر
المهم رحت العياده الخارجيه خبرت الدكتوره باللي صار لي وخبرتها ان الدم للحين ينزل وحتى صار لونه بني وخبرتها ان عندي صداع وجسمي مرهق عندي دوخه
يوم كشفت علي خبرتني لانج مانظفتي الرحم صار عندج التهاب بالرحم ووصل نص الرحم وخبرتني لو وصل كل الرحم بتسكر عندج الانابيب وتضايقت وعطتني مضادات للالتهاب وعطتني ابره وتحاميل يود للرحم اعتقد للتعقيم
وخبرتني اذا نزل دم بعد 3 ايام لازم اروح المستشفى
المهم رحت المستشفى وخذت لي موعد عند الاستشاريه وبيكون بعد اسبوعين
وانا خايفه طول فترة انتظاري يكون فات الاوان وانتشر الالتهاب بس خاطري اعرف اذا اي وحده صار لها نفس الشي وكيف تعالجت والا صارت لها مضاعفات
ياريت تطمنوني
لاني بجد خايفه اني ما احمل مره ثانيه
والحمدلله انج لحقتي على عمرج..
بس حالتج يمكن …ما تشوفين شر والله يعوضج عنه…
و يعزضج خير ان شاء الله