حبيت انقل لكم عن تجربتي في التنظيف المنزلي يمكن يفيد المتزوجات حديثا
طبعاً اول ما تحضر الخدامة اقولها اكتبي جدول خاص بالتنظيف وتتعود عليه عشان ما احب كل مرة احاسبها اعلمها لمدة شهر وبعدين بروحها يعني اشياء تتنظف يوميا او اسبوعيا او شهريا وطبعا كل بيت حسب تنظيفه يعني في بيت ما فيه يهال وايد ما يتوسخ بسرعة والجدول ياي لكم
التنظيف اليومي : طبعا البيت بالكامل الكنس مع المسح بالماي والمعقم ( اخلط الديتول + اجاكس ريحته حلوة ) + تنظيف المكتبات من الغبار والطاولات + تنظيف الكنب + غسل الملابس وكويها + غسل الحمامات + غسل المطبخ بعد الطبخ وتنظيف الفرن وعن تجربتي ارش السجادات بالكمفورت رش بسيط طول اليوم يتم ريحة البيت حلوة .
التنظيف الاسبوعي : يدخل فيه المطبخ اكثر شي تنظيف الثلاجات بالديتول + تفريغ المطبخ وغسله بالكلوركس والصابون ( تحت الثلاجات خصوصا ) + مسح الابواب والنوافذ + تنظيف البلوكانات من الغبار + تنظيف تحت السراير + تغيير الشراشف وغسلها + وضع دلل الشاي والقهوة في طشت واصب عليه كلوركس وماي حار واخليه تتنقع من الليل لين الصبح ومافي داعي بعد تفركينهم نظافة تمام
التنظيف الشهري : غسل السجادات + تنظيف ( خزاين المطبخ اطلع كل الاغراض وبعدين امسحه بالديتول واحط جرايد وبعدين ارد الاغراض + تنظيف ( خزاين الملابس اطلعها كلها وامسحها واردها مرة ثانية + الشفاطات ( الحمام والمطبخ ) خلو بالكم خصوص المطبخ ترا اذاتراكم الزيت يمكن انه النار تشتعل فيه + كنس الستائر وبعد كم شهر اغسلهم + تنظيف المكيفات
وهذا كل اللي اذكره وسلامتكم
