السلام عليكم ورحمة الله
خواتي انا رجعت مع يومياتي ولله الحمد … بعد فترة مريت خلالها بأحباط وكسل وفترة دورة هالشهر اللي كانت جدا قاسية من حيث الاعراض
اول شي اهديكن هالمقولة اللي اخترتها تكون عنوان لموضوعي من كلمات الدكتور (إبراهيم الفقي)
التنافس مع الذات هو أفضل تنافس بالعالم ، فكلما تنافس الإنسان مع نفسه تطور ، بحيث يكون اليوم أفضل ما كان عليه بالأمس وغدا افضل مما كان عليه اليوم
طبعا يومياتي راح تبدأ معاكم من باجر ان شاء الله وباجر الصبح اول ماانش بوزن وبخبركم عن وزني حبيباتي وطبعا لو طلع زايد مابتفأجى لانه بيكون رابع يوم دورة بالنسبة لي
برجع لكم بيومي باجر حبيباتي الحين تصبحون على خير
حمدت ربي وشكرته مليوووون مرة انه وزني مازاد اكثر لانه مرحلة الثمانين بالنسبة لي كانت كارثة ماابى ارجع لها مرة ثانية
عقب الوزن بديت يومي كالتالي :-
كوبين ماي العين 250 مل
ريوقي
نص كوب حليب قليل الدسم فيه شوية نسكافيه وظرف واحد محلى (كردينال) + شوية سبشل كي اتمزز فيهم وياكوفي
برجع لكم عقب اكمل يومي واتمنى القى تشجيع منكم خواتي
بحفظ الله ،،،
بكمل لكم بقية يومياتي الحين لانه ممكن بعدين مااروم ادخل
سناك :- حبة دارك جوكلت + حب تركي كم قرضه + شاي اخضر
الغداء :- سلطة
الرياضة :- العصر اجهزة منزلية من الدراجة للاوربتراك والكريزي فيت مدة ساعه
العشاء :- بين خيارين ياروب وخيار او سلطة فواكه