السلام عليكم ورحمة الله وبركاته
أشحالكن خواتيـــه عساكن بخير .. وشو الاجواء الصيفيه وياكن .. ان شاء الله ما تبخرتن!!
بما انه نحن حريم .. ومن عشاق اليديد والمميز
وبما انه نحن حريم .. اندور الزين بسعر حلو
وبما انه نحن حريم .. فينا فضول الدنيا نبا نعرف كل التفاصيل
يتني هالفكره الفنتكيه من نوعها .. وقلت نحن الحريم لازم نرظي متطلباتنا بهذا الموضوع
ΩΩΩΩΩΩΩΩΩΩΩΩΩΩΩΩΩΩΩΩΩΩ
انزين يا هيونــــــــــــه شو الموضوع..؟
العبي والشيل .. الأطقم الكاجوال .. أطقم الاعراس .. العبي الساده .. والقصات اليديده
كلها موديلات نبا نعرف عنها وين نفصلها ونعرف وين وصلت بأسعارها
ωωωωωωωωωωωωωωωωωωωωω
المطلوب من كل عضوه تشارك ويانا في الموضوع تكتبلنا .. ما يلي: ( مال مدرسه لول)
1. اسم المحل او المصممه الي تفصل عندها
2. في أي اماره فصلتها
3. كم تتراوح اسعار الاطقم.. وبكم فصلتي عندهم
4. وشو نوع الاطقم .. عاديه ولا مناسبات
5. كم المده الي ياخذها الأوردر لين ما يجهز
6. لازم يستوفي الرد على كل هالامور ولا بيعتبر مرفوض ويحق للمراقبه حذفه
ωωωωωωωωωωωωωωωωωωωωω
خواتي الهدف من الموضوع انه نتعرف على المحلات أوالمصممه بشكل اكبر نعرف عن الاسعار ونوعيه الموديلات المعروضه .. عشان اذا وحده منا فكرت تسير صوبهم يكون عندها خلفيه بالموديلات والاسعار
لأنه انا شخصيا مريت بأكثر من تجربه ومواقف بايخه .. مثلا اسمع وحده تمدح مصممه واخذ الرقم واتيني البيت او اسيرلها و انصدم بالاسعار .. و اخرتها ما افصل لأنه يكون موديل عادي ومبالغين في اسعاره
وأقول في خاطري يا خسارة المشوار سواء ليه ولا اذا كانو يايين البيت
عشان جذيه اليوم حبيت اطرح هالموضوع للفايده العامه وعشان كل وحده منا تفيد وتستفيد
๑๑๑๑๑๑๑๑๑๑๑๑๑๑๑๑๑๑๑๑
Ж ولكن .. خلن بالكن من هالكلمه سمروا اعينكم على خشبة المسرح Ж
فيه شروط للمشاركه .. أتمنى من الجميع الالتزام عشان يطلع الموضوع بصوره واضحه واكثر فايده
الشروط كالتالي :
• يحق للعضوه المشاركه كثر ما تبا
• يمنع منعا باتا الاستفسار على العام مثل ( ممكن رقم المحل الفلاني .. ممكن رقم المصممه الفلانيه) أو أي نوع ثاني من الاستفسارات
• الي عندها أي سؤال عن مشاركه عضوه سواء كانت تطلب رقم تيلفون او عنوان على الخاص فقط
•يمنع وضع الارقام على العام
•أي عضوه تخالف الشروط بتنحذف مشاركتها من المراقبه
๑๑๑๑๑๑๑๑๑๑๑๑๑๑๑๑๑๑๑๑
عزيزاتي .. انا حطيت هالشروط لسبب وايد بسيط وهو انه اغلب هالنوع من المواضيع تضيع بسبب الاستفسارات وتكثر الصفحات على الفاضي
وهالشي يضايج العضوات ويمللهن .. لأنه يتمن يجلب فالصفحات على الفاضي
أتمنى من الجميع التعاون فالموضوع وصدقوني في النهايه كلنا بنستفيد وبنرتاح من الدواره في المواضيع والصفحات وكل كمن يوم نلاقي موضوع بنات يسألن عن العبي
ان شاء الله هالموضوع يساعد الجميع ويجاوب على كل الاستفسارات الي في بالكن
وفي النهايه لا يسعني الا ان اتمنى لكم متابعه شيقه للموضوع ( اذاعة المدرسه)
¤¤¤¤¤¤¤¤¤¤¤¤¤¤¤¤
أحب أقدم شكري الخاص للمراقبه المتميزه } حمدة القبيسي { على مجهودها ويايه في هالموضوع
ولأنها بتكون المراقبه المسؤوله عن المشاركات المخالفه
عساج على القوه .. وربي يوفقج
وأشكر ادارة المدونة انها سمحتلي انزل الموضوع بشروط المشاركات
والهدف الاهم عموم الفايده
¤¤¤¤¤¤¤¤¤¤¤¤¤¤¤¤
يلا يا بنات همتكم في الموضوع واتريا تفاعل يبرد علينا حرارة الصيف
وانا ان شاء الله برتب مشاركتي وبنزلها
حياكم الله
انا فصلت عند M&A
2. في أي اماره فصلتها
دبي
3. كم تتراوح اسعار الاطقم.. وبكم فصلتي عندهم
عحسب يعني احين شاريه 3 عبايات والوحده كانت 1850,1250
4. وشو نوع الاطقم .. عاديه ولا مناسبات
وحده للماسبات والاثنين للطلعه والسفر والعبايات رووووووعه طلعن وان شاء الله ناويه اشتري الكوليكشن اليديد .
كم المده الي ياخذها الأوردر لين ما يجهز
جي تقريبا اسبوعين
2. في أي اماره فصلتها أبوووظبي _ الخالديه
3. كم تتراوح اسعار الاطقم.. 600 بدوووووون شيله وبعد ظراببببببببببه 
4. وشو نوع الاطقم .. مناسبااات بس والله هااااديه
5. كم المده الي ياخذها الأوردر لين ما يجهز أسبوووووووووووع على الاقل
هي لاني عرووس وماباا اراويكم زهبتي كع كع كع
1. اسم المحل او المصممه الي تفصل عندها
امممم اسمهاا ماقدر احطه اخاف ماتباا احط اسمها ف المنتدي
هي بنت مواطنه ف عيماان وشغلهاا واااااايد مرتب وقصاات العبي واايد راقيه
2. في أي اماره فصلتها
عيمــان
3. كم تتراوح اسعار الاطقم.. وبكم فصلتي عندهم
اممممممم انا الي سويتهم متراوحه اسعارهم يعني في منهم ب 350 لانه واايد هاديه والباقي ب 900 تقريباا ومال المناسباات ب 1300
اسعاارهاا حلوه مقارنه بغيرهاا الصراحه
4. وشو نوع الاطقم .. عاديه ولا مناسبات
كلهم ربشه الصراحه لاني مثل ماقلت عرووس خخخخخ
كلهم قصاات مختلفه يعني الي ايدها مدوره والي مربعه وشغل وقصاات وشيفون سوالف
خخخخخ ووحده مال اعراااس كلها شغل
5. كم المده الي ياخذها الأوردر لين ما يجهز
امممممممم هي قالت اسبوعين بالكثير بس انا قلتلهاا مب مستعيله عليهم لانه بعده العرس
للحين ماخلصتهم …
2. في أي اماره فصلتهن أبوووظبي _ فتوح الخير (ماركس سبنسر)
3. كم تتراوح اسعار الاطقم..1100 لين 1600
4. وشو نوع الاطقم .. 2مناسبااات و 3 عمليات
5. كم المده الي ياخذها الأوردر لين ما يجهز شهر على الاقل
1. اسم المحل او المصممه الي تفصل عندها
اسم المصممه ام فلاح و اسم المحل لاماركيزا
2. في أي اماره فصلتها
ابوظبي
3. كم تتراوح اسعار الاطقم.. وبكم فصلتي عندهم
1350 لين 2500
4. وشو نوع الاطقم .. عاديه ولا مناسبات
مناسبات
5. كم المده الي ياخذها الأوردر لين ما يجهز
20 يوم و ساعات اكثر للموديلات الخاصة
و الصراحة انا وايد مستانيه عليهن و اتريا العيد بفارغ الصبر عشان البسهن و خصوصا العباه اللي فصلتها لعرس بنت بنت عمي و الله انها شي واو و السموحة
اسم خياطة العبايات
نوره الهاشمي (جميرا)
رفيعة
شذى (البحرين)
مها (ند الحمر)
عائشة
نادية (الشارقة)
JUST ME (SHJ)
ONLY ME (JUMEIRA)
مريم الحمادي
وفا
ميثاء
زهرة (الحمرية)
حفصة الريامي (ند الحمر)
امل الحمادي (الشارقة)
ديزاين كورنر (مردف)
عبايات نجدية من السعودية والبحرين (الطوار)
أم عبدالله/ أم سعود (جميرا)
عهود العارف Ladies Delight (المحيصنه)
عبايات M& A
فاطمه مطر (ند الحمر)
أمل مراد (المردف)
ابتسام الدرمكي
Elegance corner
نهـــله (جميــرا)
السيده المهمه (مريم سالم)
لبــاسه (توصيل للمنازل)
أم الريم
دار الوعـــد
هند المدفع
دار المزرى
كالسيدوني (توصيل للمنازل)
أم خليفه
دار عذبــه لتصميم العبايه والشيله
محل مريمان في الخالديه (بوظبي)
اكسيزتوك من العين
بس بذكر وحده امسات وفلبيناات يوني لين البيت …
1-اسم المحل كالسيدوني
2 -اظني راعيه المحل من بوظبي بس مقرهم بدبـــى …
3-شفت امسات اسعارهم سويت وحده عل 2200 والثانيه ع 2200 والثالثه ع 2800
4-سويت 3 حق المناسبات …
5- امسات يوني 1/7 بيخلص 1/9 ….