حبيت اسأل ولدي عمرة شهرين ونص وبعد الرضاعه لازم يتجشأ بس مرات ينام وما يطيع يتجشا شو اسوي ؟ واحاول اصحي عشان يتجشا ما يطيع او ارفعه ع جتفي بس ما يطلعها
مشكلة يوم ما يتجشا اتيله غازات واتلعوزه والدكتور قال لاااااااااازم بعد كل رضعه وخلالها يتجشا
بعد متى بينتظم نومه وكيف انظمه ف النهار ينام ربع ساعه او نص ساعه ويقوم
وفي الليل من عقب المغرب ما ينام لييييييين س 2
احاول في مافي فايده ينام وهو يرضع وعقب يقوم
حاولت كل شي اسبحه وادهنله اعطي حليب صناعي عشان يثقله وينام واغيرله الحفاظ واطفي الليتات وهدوء مافي فايده
كلنا فالهوا سوا والله بنتي احين كبيره تقوم الساعه 3 ماتبا ترقد شسويبها ماعرف
يازينهم الياهال في هذاك العمر سهل تتحكمين فيهم
انا ولدي كبر وقام يكفخني 
حبوبة
بعض الياهال مرات تكون سالفة التشجأ ثجيلة شوي
كان الدكتور يقولي اذا طلعت طلعت
ما طلعت خلاص
بروحها عقب بتطلع
فالنهار رقديييه ع بطنه
بيخفف عليه الغازات
وعن سالفة الرقاااد
صح اني ولدي هو بجري
بس رمت اني انظم رقااده كنت وايد فرحاانة بشكل مب طبيعي
لاني وايد تعبت معاه فالاربعين
من كمل شهر لين 5 شهور ونص كنت ارقده من 11 الليل لين 11 الضحى
وما يقوم الا ثلاث مرات يرضع ويرقد
والشكر للقماط
لان يلم كتوف الايهال ويخليه يروح فالرقاد
بس من سافرت فالصيف ولين يومج ها
وسالفة الرقاد مستوية ازمة
عمره 9 شهور ونص الله يحفظه
ووقتنا كله صياااح بسبت التسنين والله قمت اصيح اكثر منه بس لاني ابا ارقد
نصايحي لج :
خربي عليه رقاده فالنهار
سبحيه قبل النوم
دهنيه ببيبي اويل
ودفيييه عدل
عطيه رضعة مشبععععععة سواء طبيعي او صناعي
وان شاء الله بينتظم رقادة
ومن ينتظم رقاده خفي سالفة السبوح خليه مرتين او مرة فالاسبوع
واسمحيلي ع الاطالة وان شاء الله اكون افدتج