التبوا اللاارادي عند الأطفال للساحة الامارات

بنتي بنفس عمر اطفالج خمس سنين وللحين تبول ماعرف شو اسوي فيها

انا كانت لي تجربه ناجحه مع ولدي وكان عمره 8 سنين
وديته لطبيب اطفال وبعد ما فحصه وسواله فحص دم واشعه للمثانه وطلع بخير
وأهم شي تشرحين للياهل المشكله بطريقه و أسلوب هادي
وتقنعين الياهل أنه بعد الساعه8 ماشي سوائل
وفي حالة البول في الفراش ما تصرخين ولاتنفعلين
سواله جدول يومي الياهل هو اللي يكتب فيه وكل ليله ما يبول فيها يحط علامة صح
وكل 5 أيام بدون بول تعطينه مكافئه من اختيارج
وكل 10 أيام بدون بول تزيدين المكافئه
وإذا كمل شهر تاخذين له هديه من اختياره
وفعلا نجح الموضوع مع ولدي
وأن شاء الله ينجح وياكم

انا بنتي تبول وهي واعيه ,,, يعني موووووووووول ماتقولي وديني الحمام متى ما يتها البوله سوتها في اي مكان … شو الحل وياها؟؟؟؟؟؟؟؟

شوفي انا ولدي عمره سنتين وما يسويها في الفراش

لان قبل ماينام خليه يروح الحمام هذا لازم يروح يفضي و بعدين بعد مايرقد اقومه من عز رقاده يروح الحمام وهويحليله يتم يصيح يقولي مابي اروح بس مب كيفه والله احمله الحمام يسويها ويرجع ينام

والحين ماشالله عليه اذا يبي الحمام والله يقوم من نومه بروحه يسير عندي ينبهني يقولي ماما ابي الحمام لان تعود خلاص

بنتج تبغي تلفت نظرج
شجعيها وامدحيها واعطيها مكافأه كلما سارت الحمام
يعني حبة حلاوه أو لعبه أو بوسه

هالشي مجربتنه بس ما نفع وياه بعد يبول تحته