طلبتكن طلبه ولا تردني يالغاليات
اتنما كل وحده تقرا الموضوع ما طنشني وترد علي
انا بشرتي سمرا بس مب وايد سمراء ولاني بيضا بس دايما يوم اروح اشتري بودره يجولو لي يناسبج رقم 3 نفس بشرتك ويوم احطها على وجهه اطلع سمرا انا اريد شي يفتحني ما يسمرني
خلاصه القول اريد بودره وكريم اساس حلوين وماركه حلوه واريد تجاربكم
و جربت بودره ماكس فكتر الذهبيه وزرقا وماركه كنيبو وماركه مكياجي وبدي شوب وكل هذيله احول اخذ افتح بدرجه عن بشرتي بس مشي فايدع
بس شفت في المدونة بودره ماكس فكتر الجديده وافكر اشتريها ولا احسن سيشدواريد مساعدتكن
اريد اسم البودره والكريم الاساس؟ والرقم اللي يناسب بشرتي ؟ واذا امكن الصوره
اريد استخدمهن حج العيد ويوم اسير حج العرس
جربي كريم اساس بوبي براون
وبودره ديور انا من جربت كريم بوبي
وبودره ديور ماافكر اغيرهم والناس اذواق
=)
انا استعمل هذا الكريم اساس…
اسمه Bourjois 10 Hour Sleep Effect
روووووووووعه.. وخفيف جنج مب حاطه شي….. اشتريه من دبنهامز بس اعتقد في منه في لايف ستايل
احس عن ماكس فاكتور
والبوودره دييوور او ماك ولا اروع
جربيهن وبتدعيلي
وبودرة من ديور اتجيج نفس درجة كريم اساس
اذا تبين فاونديشن فول كافريج " اللي هو تغطيه كامله للمناسبات والمسا " تاخذينه ع لون بشرتج وتاخذين معاه الفاوندتا " اللي هي البودره المضغوطه وفيها فاونديشن " بعد بنفس اللون …
في ناس ما يناسبهم هالشي لانه ملامحهم حاده وجامده …يناسب اكثر اللي تقاسيم ويهم ناعمه ..
الموهم في عندج نوع ثاني لكل يوم اللي هو افري داي فاونديشن …خفيف ويناسب النهار ..هذا عادي لو خذتي افتح بدرجه لانه خفيف مب شرات النوع الاول …افتح بدرجه مب اكثر
وتاخذين وياه الكومباكت باودر الناتشورال ….اللي اتييج خفيفه يعني ما تتحول لفاونديشن على بشرتج …واحسن طريقه لوضعها الفرشاه مش الاسفنجه …
انيي للاهم …الترطيب شي اساسي …وتنظيف البشره شي اكثر من الاساسي …سواء بشرتج كانت سمره بيضه …اهم شي انه فيها حيويه وصافيه وناعمه ….وهذا كله بالاهتمام وانج تاخذين منتجات زينه لبشرتج " ابدا لا تستغلين شي على بشرتج " ..
اذا عيبج كريم اساس ….طلبي من اللي تبيع تعطيج فري سامبل …وشوفي هل السامبل ناسب بشرتج …حسيتي انه اللون اوكيه …عطاج التغطيه اللي تبينها ؟؟؟فيه زيوت والا ؟؟؟ وعقب فكري تاخذين الفاونديشن او لا ….
اتمنى انج استفدتي من هالرد ….وان شالله تحصلين الشي اللي يناسبج …وربي يتقبل طاعتج وصيامج