البنات اللي في بداية حملهم مثلي ممكن شوي للصحة

وألف مبروك على الحمل والأخبار الحلوه ..
اسأل الله ان يثبته ويجعله طفلاً سليماً كاملاً معافى ..

الحمل يا الغاليه شرات ما يقول رب العالمين:
حملته امه وهننا على وهن ..

ولازم الوحده تحس بشوية أعراض ..
تعب و ويع ودوخه ..

كل هالأمور جداً طبيعيه ..
وما عليج شر إن شاء الله ..

انتي بس عليك بالراحه التاااااااااااااااااااامه خلال خالـ 3 شهور الأولى ..
والشهور اللي عقب ( الرابع والخامس و السادس ) بتكون احلى وأخف الشهور

المشاركة الأصلية كتبت بواسطة ( نـــــوره )

المشاكل:

آلام في ظهري كل يوم
صدري بعد واااااااااااااايد يعورني خاصه حلمت الثدي
أتيني دوخه كل يوووووووووم حتى وانا يالسه ..

هذي علاجها:
الراحه والغذاء السليم ..

وبالنسبه لـ آلام الظهر ..
ارقدي على جانبج الايسر حبيبتي ..
عشان يوصل الدم للجنين و يكون مرتاح ..
ولا تيلسين وايد ( وضعيه الجلوس تسبب ألم )

يعني حاولي هالفترة تتمددين وتنسدحين ..
خلج مرتاحه هالفتره .. في الشهور الثلاث الوسطى بتحسين بالفرق ..
وبيخف الألم وايد .. لأن الرحم يبدأ يرتفع ..
و بتشوفين بطنج فوق فوق

حتى لو كنتِ في مكان عمل ويالسه لفترات طويلة على المكتب
أو منشغله بشي في البيت على النت ..

حطي طاولة صغيره وارفي ريولج عليها عشان يتوزع الوزن ..
وعشان ما يضغط الجسم على اسفل القدم وتبدأ تنتفخ ..
( الأنتفاخ يأتي لاحقاً في نهاية الشهر الخامس ) ..

—————————————–

وعقب فتره يمكن تعانين من الإمساك – وانتي بكرامه – ..
لأنج بتاخذين ( فولك اسيد )

وأهم شي في هالمرحله شرب الماي وأكل الخضروات والفواكه ..
عليج بالبرتقال وايد زين يمشّي البطن ..

اشربي عصاير ..
و خففي من الأشياء اللي ممكن تسوي لج امساك
أشربي حليب فرواله، حليب فانيلا، حليب طازج قليل الدسم ..
و ودري عنج الغازات يا الغاليه

قليل الدسم: ( عشان ما تنتفخين ) >> يارب سترك
وتزيد البلاوي .. من سكر الحمل، وصعوبة التنفس، وتعسر الولادة ..