البنات اللي عرسو مرتين رعاية الاطفال

شحالكن وخواتم مباركه

بنات من زمان خاطري احط ها الموضوووع
بناات انا متزوجه مرتيين االي بتشوف مواظيعي السابقه بتعرف سالفتي
المهم بنات تعبببت من المقارنه واايد
الاول كان يحبببني مووت حنووون طيب رومنسي دوم يتغزل فيني ومايرد لي طلب دفتر كامل خواطر وقصايد كلها عني وخاصه فيني
وغير هاذا كان يعاشرني في الفراش اكثر من مرتين ف الاسبوع
المهم صار اللي صار وافترقنا باتختياري انا واعتقد والله اعلم انه حد عطانا عين او سوا لنا شي
انا للحين اعزه واتمنى له السعاده من كل قلبي واعتقد اني صعب جداا انساه
المهم بعد سنه طلاق
انا تزوجت وهو تزوج بعدي
تعالو شوفو اللي خذته العككككس تمامااا هو اكبر عني بوايد و
بااارد جداا
عصبي
صمته يغلب كلامه يعني 70 ف الميه ساكت الا اذا كلمته يرد ع قد السوال
ماافي اي كلمة غزل تطلع منه الا ناادر
يعني ماادري كيف اوصف لكن
يعني مو ب الصوره اللي تتصورونها بس ب النسبه لي كوني كنت معرسه من قبل احس بفرق كبيييييير
طبعا فيه واايد وايد اشياء زينه الحمدلله بس محد كامل
انا المقارنه تعبتني والحنين للاول احيانا بعد يتعبني
يوم يهجرني اتم افكر في الاول
يوم اكشخ ومايطالعني بعد اتذكره
خاطري يسمعني قصيده غزليه او بيت شعر او كلمه حلوه بس مافي
هو يحبني ويقولي انه يحبنس يوم اسئله
بس مافي اي شي يدل على ها المحبه
بس يبا يمشيني على شوره ويوجه لي نصايح وتوجيهات ليل نهار
بصراحه انا احترمه لانه كبير وماادري اذا احبه
بس ابا انسى الاول مااعرف كيف انساه
حتى اللي انا الحين وياه بس امشي حالي الحمدلله ساترني قدام الناس بس من داخلي مافي اي ماعر متهيجه ناحيته
في البدايه كنت وايد مندفعه واتحراه نفس الاول بس كله يصدني يصدني ليين ماخلاص قنععت ووقفت
ومن دااخلي احترق واتقطع
منوه نفسي عرست مرتين
وهل ها المقارنه عند كل الحريم لانها متعبه
اباها تخوز عني ابا اننسى اني كنت معرسه عشان اتئقلم مع ريلي الحالي واكمل حياتي
شاركوني الحوار ووضحو لي الصوره فديتكن

و ثآنيآآآ رآيي نفس رآي آحلآم ^^

لا الحب ولا الفراش كل شي << سوري يعني
و بعدين اظني وايدات مروا بتجارب حب بس الزواج و الاحترام و المودة و الرحمة غير عن الحب
لان الحب ما يوووكل عيش ها الايام

انا متزوجة مرة وحدة الحمد لله بس بغيت أشاركج مشكلتج

علشان تنسين الاول لازم توقفين تقارنين ما بيهم و حاولي تذكرين للاول عيوبه اكيد له عيوب هي الي دفعتج تنفصلين عنه

انتي حرمة وشورج شور اهلج عسب جي تزوجتي مرة ثانية لكن هو اقصد طليقج هو ريال و الشور شوره كان بامكانه ما يتزوج و يتم يحاول يردج حتى لو تزوجتي لو بالحب الي توصفينه كان حارب الدنيا و خلاج وياه

حطي في بالج ان الوقت الي انتي تفكرين به و تتعذبين بسبة هالتفكير هو بأحضان حرمة ثانية مستانس و سعيد بحياته

انا أشوف مشكلتج مب حبج لزوجج السابق نهائي و لا حنينج له , انتي مشكلتج ريلج الحالي لانج لو كنتي تزوجتي بريال مريحنج من كل النواحي و يعاملج بالاسلوب الي انتي تحبينه كنتي ما فكرتي بالاول و حنيتي له كنتي بتقارنين ال مرة و بمجرد الثاني يربح المقارنة كنتي نسيتي الاول و حمدت ربنا عطلاقج منه

مجرد ما تحلين مشاكلج ويا ريلج الحالي بينتهي كل هالعذاب الي انتي فيه و بتطلعي من الدائرة الي انتي عايشة بها , حاولي وياه كلميه قولي له الي مضايقنج بالنسبة للحب اختي يعبر عنه بطرق واايدة مب شرط بالشعر و الخواطر ممكن بحنانه بعطفه عليج في لحظات حزنج او مرضج الله يبعد عنج الحزن و المرض ممكن بتلبية طلباتج ممكن بتمسكه بج , اذا ما قدرتي تغيرينه و تخلين تفكيره نفس تفكيرج حاولي انتي تتغيرين و تنظرين للحب بين الزوجين بنظرة ثانية , يعني انتي من وجهة نظرج انه التعبير عن الحب يكون 24 ساعة بالكلام و الخواطر , هذا جانب حلو و كلنا نحبه اكيد بس فيه وجهة نظر ثانية تقول التعبير عن الحب يكون بطرق ثانية حاولي تشوفين الطريقة الي ريلج يعبر بها عن محبته لج و اقنعي نفسج انه هاي الطريقة الامثل و الاحلى يعني غيري انتي نظرتج علشان ترضين بالموجود و تسعدين نفسج بهالاقتناع .

اسعدي نفسج بعيد عن الماضي و عن التفكير به حولي الموجود لسعادة

و بالنسبة للفراش كلميه بحب و انوثة و دلع قولي له ابغي كم من مرة بالاسبوع بحجة انج ما تصبرين عنه و تشتاقين له بسرعة , تمي تعبرين له عن حبج و عشقج له لين ما انتي تصدقين و تقتنعين انج تموتين فيه و يمكن ها الي يصير فعلا مع الايام , انسي الماضي و اشغلي نفسج بس بالفكير كيف تخلين حياتج سعيدة ويا ريلج الحالي كيف تغيرينه كيف تتاقلمين مع الي الأشياء الي صعب تغيرينها فيه . يمكن هالريال فيه خير لج

و الله يوفقج بحياتج