الامهات الخبره ,,,فديتكن حدرن؟؟؟ للسياحة

واللي عندي شي اضافي تخبرني انا بجريه وابى حد يساعدني

المشاركة الأصلية كتبت بواسطة @عين الظبي@

السلام عليكم

شحالكن امهاتنا الحلوات؟؟

فديتكن عندي استفسارات والله يجزاها خير اللي تجاوبني وتساعدني ما عندي حد استشيره غيركن

1- شو احسن نوع مراضع للنيو بورن؟ وكم مرضعه اخذ؟؟
انا بالنسبه لي بيجون خذي واحد او 2 حجم صغير( للاعشاب والماي )

2- شو احسن شفاط حليب ؟؟ ماركه شوه؟؟
انا بالنسبه ما استخدمته لاني الحمدلله ما احتجته ومش ضروري انج تحتاجينه الا اذا اداومين

3- بخصوص الملابس كم اخذ للنيو بورن؟؟ وكم من 0-3 ؟؟
تقريبا 4 او حسب الجنين لان الولد يكبر عكس البنت واذا في البنت خذي اكثر وانا ما انصحج تشترين من 0الى 3 الا بعد ماتولدين بس اذا حابه لا تكثرين بعد من 2 الى 3

4- اللفات والفوط كم اخذ منهن؟؟
الفوط 1 حجم كبير وواحد حجم صغير واللفات انواع من النوع الخفيف تقريبا6لانج واايد راح اتبدلين البيبي والنوع الثقيل 3 الى 4 حسب الالوان والطلعات

5- كريم الحفاظ بليز ابى اعرف شو احسن نوع؟؟
بصراحة ما اذكر شو اسم الكريم بس تقريبا نفس ماركة زبدة الكاكاو اذا حصلنه بقولج اسمه عقب وترى في كريمات اتناسب بشرة الاطفال وكريمات ما تناسب

6- مقياس الحراره شو احسن نوع؟؟
في وااايد انواع في الصيدليات بس انا عندي براون

واللي عندي شي اضافي تخبرني انا بجريه وابى حد يساعدني

لا تنسين الهدايا الي راح توصلج عسب جي لا تكثرين من الاغراض بزياده وانشاالله اكون نفعتج واسمحيلي انا عن نفسي ما احب اخذ واااايد لان واااايد ايبون لي هدايا اتعلمت من اول مولود لاني وااايد اشتريت وندمت

شحالكن امهاتنا الحلوات؟؟

فديتكن عندي استفسارات والله يجزاها خير اللي تجاوبني وتساعدني ما عندي حد استشيره غيركن

وعليكم السلام

1- شو احسن نوع مراضع للنيو بورن؟ وكم مرضعه اخذ؟؟
بيجون احس نوع ..والزجاج افضل..لانه يتعقم عدل …بالنسبه للعدد ..يعتمد انا ما اخذ الا وحده وسط احتياط والصغيرونه للماي
الرضاعه احسن لج وللبيبي عسب المناعه
2- شو احسن شفاط حليب ؟؟ ماركه شوه؟؟
في البيبي شوب بتحصلين نوع لون كرتونه ابيض واصفر ..نسيت اسمه ..وانا افضل الشفط اليدوي لانج ترومين تتحكمين فيه

3- بخصوص الملابس كم اخذ للنيو بورن؟؟ وكم من 0-3 ؟؟
نيوبورن لا تاخذين وايد الاحسن انج تاخذين 0-3 لان بسرعه يتغير قياس البيبي واصلا انتي ما تدرين كم بيكون وزن البيبي يمكن يكون ضغيف ويمكن تكون صحته زينه وماينفعله النيو بورن

العدد على حسب ميزانيتج بس لا تكثرين عن ال20
ههههه مادي والله انا جيه اتشرى اللي يعيبني اخذه مادري عن غيري

4- اللفات والفوط كم اخذ منهن؟؟
القماطات ..يبالج وايد اول فتره ..ويعتمد على ذوقج اذا كنتي تاخذين اطقم كامله يعني لبس وقماط وكبوس..والا عادي ..يعني قولي 7-10
الفوط خذي اللي اتيج بقحفيه ويا الراس للسبوح …ووحده كبيره ..اما الباقي 3-4 من الحجم الوسط يعني حق تبديل البامبرز

5- كريم الحفاظ بليز ابى اعرف شو احسن نوع؟؟
الدكاتره بيقولون لج سودو كريم ..هو زين بس يسود المنطقه ..انا استخدمه اذا فيه احمرار اما جيه لا
احسن شي تحطين شويه فازلين ..طبقه خفيفه تحمي الجلد وتكون مثل الحاجز على بشره البيبي

6- مقياس الحراره شو احسن نوع؟؟
لا تاخذين الا براون …انا جربت كذا نوع وما نفعني

واللي عندي شي اضافي تخبرني انا بجريه وابى حد يساعدني [/QUOTE]

اذا فخاطرج شي اسألي عادي
انا مافي شي في بالي ازيده

بالبركه مقدما وربي يقومنا بالسلامه

فديتكن عندي استفسارات والله يجزاها خير اللي تجاوبني وتساعدني ما عندي حد استشيره غيركن

1- شو احسن نوع مراضع للنيو بورن؟ وكم مرضعه اخذ؟؟

احسن نوعية مراضع تكون الزجاج ما فيه ماركه معينه – واخذي 3 صغار و2 وسط و2 كبار ولا تنسي ثومات المراضع لازم تغييريهم وتعقميين المراضع بالاسبوع مره بماي وملح وتغسلينهم بالماي والصابون كل قطع بروحها لان الجراثيم بسرعه يتراكمن عليهن

2- شو احسن شفاط حليب ؟؟ ماركه شوه؟؟

احسن شفاطة حليب فيه نوعين العاديه والكهربائيه عاد انتي واللي ترتاحين له واذا على الماركه بصراحه ما اذكر اني اسأل عن ماركات روحي صيدليه او مركز واخذي لج اللي ترتاحين له ولا تنسين كريم الصدر علشان الصدر يكون لين وفوط الصدر مثل القطن علشان التسرب

3- بخصوص الملابس كم اخذ للنيو بورن؟؟ وكم من 0-3 ؟؟
ملابس النيو بورن لاتكثري منهم بالكثير 6 قطع منهم لان الياهل بسرعه يكبر بالاربعين
وقياس من 0-3 خذي على حسب حاجتج انتي مثلا ملابس النوم وملابس الصبح
ولاتنسي الفوانيل

4- اللفات والفوط كم اخذ منهن؟؟

الفوط اخذي 2 كبار و2 صغار
اما اللفات اخذيهم مع الربطات حوالي 6 بيكفون يعني الوحده وحاجات البيبي

5- كريم الحفاظ بليز ابى اعرف شو احسن نوع؟؟
احسن نوع سودكو وفازلين بس انصحج نصيحه لاتعتمدين على كلينكس البامبرز وايد لازم تستخدمين قطن وماي وفازلين لان هذه المنطقه وايد حساسه وياريت لو تخلين البيبي احيانا يرتاح من البامبز لو ربع ساعه علشان ما تعانين من التسلخات الجلديه

6- مقياس الحراره شو احسن نوع؟؟
انا عن نفسي اسال الصيدلي شو احسن نوع لان اكثرية مقياس الحراره ما ينفعون
فيه نوع ينحط تحت الباط وفيه نوع ينحط بالاذن

ونسيت البيبي كل ساعتين ترضعينه سواء طبيعي او صناعي
انا دوم اختياري لبناتي حليب اس جولد
واشربي عصاير وايد ومكسرات علشان يدر لج حليب
وارجوا انج استفدتي

واللي عندي شي اضافي تخبرني انا بجريه وابى حد يساعدني [/COLOR][/SIZE][/QUOTE]

الله يريحكن دنيا واخره مثل ما ريحتني