الامساك

السلام عليكم خواتي
حبيت افيدكم من بعد معاناتي مع بنتي في الامساك .من بعد ست شهور صابها امساك ما خليت دكتور الا وديتها وتحاميل و ادويه و ماتنفع لدرجة انها بقيت شهر كامل ما تخرج الا عن طريق التحاميل .الحين عمرها سنتين ونص لكن الحمدالله مع الشوفان اختفى الامساك الحمدالله.اضيف شوفان للشوربة .

احمد لله عل سلامة البنوتة
عادة احنا نعطي الياهل عصير البرتقال فرش
اذا كان إمساك عادي

أما اذا كان الامساك قوي نعطيهم شوربة شوفان الي يسمونها الكابتن

الله يسلمكم يارب ويحمي عيالنا فلذات اكبادنا

الحمدلله على سلامتها وماتشوف شر

لعلاج الامساك المتبع عندنا ف العايلة اقل من ست شهور نضيف ملعقة شاي زيت زيتون ف الحليب اكبر اشوي عصير برتقال طازج وعمر اكبر الكيوي كفاكهة او الشوفان …وشربوا الاطفال الماي وكثروا من الخضروات اللي فيها الياف

بعض الاطفال يتحسسون من اللاكتوز اللي في الحليب ويسوي عندهم كسل في الامعاء… مثل ما صار في بنتي المسكينه نفس الشي عانت من كانت طفلة وكانت تتأزم مع كثرة شرب الحليب الصناعي…. لكن كبرت أحينه وقامت تاكل فتحسنت حالتها عن قبل بوايد ولكن ما زال فيها الكسل في الامعاء وانا أشجعها تاكل سلطة يوميا…. بس هي الحليب كان سبب معاناتها وما زالت ولكن بحده أخف الحمدلله….