الاغراض اللي استفدت منها من دايسو العجيـــــــــــــــــــــب اعمال منزلية

السلام عليكم

حبيت اعرض عليكم الاشياء اللي فادتني من المحل العجييييب داااايسو

خاصه عقب ما سفرنا البشاكير واشتغلت في البيت فسويت حملة تنبيش في دااايسو

هاي الصورة بس من النت

وها الاشياء فادتني واايد

ونبدأ بسم الله

فرشاة لتنظيف واااايد استانست عليها دايما اقول كيف انظف الصلب لكاسات عيالي وكنت ما احب استخدمهم الا للماي…لكن من بعد الفرشاه العجيبه الطويله استخدمهم حتى للحليب

وهاي حلوه لتنظيف الكاسات انظف من اسفنجت الصحون

وهاي برووش للجدور يابس وقوي نفعني وااايد

وهذا بروش صغير نفعني انظف التوست والثاني للغطايا او اي شي

وهذه قشارة جزر عقب ما اتيلفينه استخدميها للسلطه واتخليه الجزر طويل ورفيع
للي اتحب اتغير في السلطات اتسوين سلطة جزر وملفوف مثل المطاعم

وهذه قشاره ملفوف عجيبه واستخدمها للبطاطا والجزر والخيار واتخلي الملفوف ناعم مثل المطاعم

وهذه ملعقة الزيتون الجميلة المفيده واااايد استانست عليها عباره عن ملعقة مخرمه

وهذه غطاء للملال عيبتني اذا بتحطين جبن او عسل في مله عقب اللي وياج في البيت اتخرو للريوق ممكن اتغطينها …بس اذا اشتريتي من ملالي الفخمه بي احلى خخخ

وهذه صورتها

وهاي مجبه حلوه لصحن الفواكه او اي شي

وهذا غطا للكوب الواحد حلو

وطبعا في اشيا واااايد بس ما قدرت اصور واعرض

والسموحة

حلو عيبتني فرشات البيب

ما شاء الله عليج ما خليتي بروش ما خذتيه ………خخخخ اسولف وياج بس اغراض حلوة عيبتني خاشوقة الزيتون

و فرشاة بيب الحليب …وعندي البلاستيك اللي يلحف الملال انا اسير نص الوقت اشتري ونص الوقت ايلس افكر

كيف يتهم فكرة يخترعون هالأشياء صراحه ما ادري كيف كنا عايشين قبل دايسو

وااايد حلو

عجيبه الاغراض

انا اكثر مكان احب اشوح فيه و اتمعن في الاغراض صوب ادوات المطبخ خخخخخخ

ما فيج حيله كل غرض احلى عن الثاني انا اروح دايسو ويدور مخي واطلع بدون اي شي
خلاص الحين عرفت شو يبيعون ويستاهل اخذه