اكتئاب ما بعد ارجاع الاجنة لصحتك

اشحالكن بناااات

انا اعاني من اكتئاب حاااااد جدا لدرجة ان رنة التلفون ترعبني كله قافلة الغرفة على عمري و اصييييييييح ما ابا اشوف حد نفسيتي دااااااااااااااااون بالمرة صليت قريت قران اهدى شوي و عقب ارد اتعب واااايد مدري شو بلاني دقااات قلبي فجاة تزيد من الرهبة و الخوف كان في شي بيصير ياني اسهال من ثاني يوم للارجاع و الم فالظهر من الاسهال الحاد اخاااف نزل البيبي

يعني نفس شعور وانتي داخلة الامتحان و انتي مب دارسة يديني و ريولي كلها تترتعش و يوم اشرب نسكفي عسب اصح صح تزيد الرهبة العن و اخس

واللي يزيد التعب الشعور وكان البيبي نزل من اول يوم او انه ما ثبت اساسا

بدت تراودني الشكوك انه البيبي نزل وانا فالحمام كرمتو

نفسيتي تعبت وااااااااااااايد حالة هستيرية نفسية

هذا ثالث يوم بعد الارجاع ما دري شو صار البيبي موجود ولا لا من الاكتئاب ما ارقد مثل الاوادم

العملية سويتها فمستشفى الامارات عند مايكل لان فيني تكيسات و ما قدرت احمل