شخباركن ؟؟ شو علومكن ؟؟؟ شو اخبار الاهل ؟؟؟ ان شاءالله الكل بصحة وسلامة ؟؟؟
المهم …. طريقة انا قمت اتبعها لتنظيف بشرتي … بعد الياس اللي صابني منها …. لان ويهي جامع لكل انواع البشرات …. (حساسة , دهنية, جافه) <<<<يعني قولي مختلطة وخلصينا
الاهم.. كل طريقة سواء مكوناتها طبيعية او لا اتبعتها مانفعت معاي …تقريبا لان المنطقة الحساسة من ويهي هذي اتشب احمر (من خاااااطر جني محترقه واحيانا تحترق بس الحمدلله الله مايعلم يعني ع الخفيف ) بعد اي وصفه … سواء روب او سدر وغيره وغيره .. مع ان الحمدلله ويهي لا حبوب ولاغيره بس لازم التنظيف
فمن جي وقفت استماعي لاي وصفة تنضف الويه ….
فيوم من الايام … وفي غرفتي … كنت فاضية … ومن الفراغه … (1)قمت وحطيت ع كبر ويهي فازلين (جل نقي) … وفركت فيه ويهي ورقبتي .. وخليته من ربع ساعة لي نص ساعة تقريبا …(2) عقب يبت كلينكس (تيشو) خففت من الفازلين الزايد (يعني ما شليته بس اخفف) .. ثم … (3)يبت (قطن) ويلس امسح كل جه بروحها … (مو برقة ولا بخشونه) بدرجة معتدلة بحيث اطلع البلاوي والسواد كله (اليلق خخخخخخ) والقطنة البيضة صارت سودة ….
عقب بعد ماخلصت .,,, خليت ويهي جي ربع ساعة استراحة .. (4)عقب ذوب عليه ثلجة .. دور ماداير الويه … لين صرت حمرا (هههههه وناسة) عقب ……….. بعد اتباعي هالطريقة يومين حسيت بالفرق ,,, وامي اللي انا اربع وعشرين ساعة وياها حست …
وطبعا فووووووق كل هذا (نور الصلاة وبالاخص صلاة الفجر) <<< وهذا العامل الاساسي
طريقة لا تحرق …. ولا تششوه .. ولا تاثر على ويهج .. بالعكس لمن تمسحين الفازلين راح يتم له وجود خفيف ع بشرتج … وبعد رابع ساعة او اكثر بشوي … راح اتحسين ان بشرتج امتصته وصارت لينة وناااعمة ومب محتاجة حتى اي كريم بعده ..
والطريقة هذي تنفع بعد لتنظيف الجسم … اي مكان اتحسين فيه اسوداد وجربتي هالشي وصارت القطنة سودة ؟؟؟ عرفي ان هذا سواد مب طبيعي يعني يروح وصاخة …
والسموحة ع الاطالة حبيباتي
اختكم:غرم