اقربوا اقربوا .. مشتريااات مكياجية يديدة من كيمووو العسل .. لشعر ناعم

السلام عليكم ورحمة الله ..

خواتي من البداية اللي بتقرا وما بترد تدل الاكس اللي فوق .. لا تكمل وايد أحسن من القراءة الصامتة .. لأني الصراحة تعبت في تصغير الصور وتحميلهم خاصة التحميل لعوزني ..

حبيت أحط لكم بعض المشتريات اليديدة والقديمة بعد ..

أول شيء باليته ميك أب فور ايفر 52 .. هذا الباليت شريته حق بنت الساعي اللي عندي في المكتب هدية زواجها .. بس قلت يمكن يعجب حد فصورته للي تباه ..

جربت الالوان في المحل ومستواه يعني أعطيه درجة 70% ..

وهذي الطبقة الثانية

وهذيل أساسات من نفس الماركة هذيل حقي عاد .. أحس تغطية هالاساس رهيبة وثباته حلو وااايد .. أوزعه باسفنجة
طبعا هالبودرة غامجة شوي على بشرتي ولونها مصفر نوعا ما علشان استعملها كبودرة كونسيلر .. يعني احطها تحت العين علشان اغطي الهالات إذا الكونسيلر ما يكفى .. الصراحة توووب

الحين على المشتريات اليديدة … شريتها قبل 3 أيام من سيفورا دبي مول ..

غسول وتونيك من ماركة شفاء الاماراتية.. ماركة الدكتورة لميس حمدان ..
اطباعي المبدئي .. غالييييييييييييييييييييييييييييييييي وايد .. ونتيجته ما بينت للحين..
شريته لأن ويهي تعب شوي من الحر وطلعت لي حبوب صغنووونة في ويهي بسبة حرارة الجسم وقلت ابا شيء طبيعي وعلى رمستهم هالاشياء طبيعية واورجانيك .

يا سلااااااااااام .. قفازات ودلاغات بجل وزيت الجوجوبا .. ينلبسن في الليل لتنعيم الايد والريول ..

باليت شدو من ماركة توفيسيد .. معاهم محلول اللي يسوي الشدو كحل كريمي .. حلوين ..

هذا شكل العلبة من برا .. وواضح في الصورة الجل اللي يسوي الشد كحل كريمي .. ريشته ما عجبتني ..

..

علبة التجريب من برا مينيرالس .. اول ماركة ميك اب متخصصة في الميك اب المينرال او المعدني.. درجة الميديم .. فيها 5 علب بودرة احجامها مختلفة ومعاها فراشي بودر حلوة ..

..

وأخيرا شنطة زرقاء فاااقعة عطوني اياها من سيفورا هدية على مشترياتي ..