أهلين خواتي شخباركم ؟؟
عندي فكرة … من كثر ما أشوف البنات اللي يقترحون مشاريع .. وييون العضوات .. كل وحدة تبي تشارك بمبلغ .. وفعلاً يصير عدد الراغبات بالمشاركة كبير .. وتيي وحدة ثانية ومن كثر ما تشوف عدد اللي يبون يشاركون .. ترد تقول ليش ما تقللون المساهمات .. لأنه كل ما زاد العدد قلت الفايدة …
وهذا الموضوع شفته أكثر من مرة ..
انزين احنا ليش ما ندور بداية على الشخصيات اللي عندها القدرة والكفاءة والجدية لادارة مثل هاي المشاريع كخطوة أولى .. خليها مشاريع مو شرط مشروع واحد بس .. ونشوف كذا مجال ..
عقب خلينا نسوي عصف ذهني للمشاريع اللي ممكن نفذها .. أكيد بتطلع أفكار رووعة .. وحدة عندها فكرة حلم بس ما عندها سيولة .. وحدة عند أخوها حلم وحاب يطوره .. وغيره .. وعقب نختار من هاي الأفكار كم من مشروع نكون جادين في تنفيذه .. خليهم 3 مشاريع مثلاً كبداية .. أو حتى 1 .. كأنا نسوي مناقصة ( مسوية عمرها فااهمة !!! ) وممكن ناخذ فكرتين وندمجهم ونطلع منهم مشروع واحد روووعة ..
عقب نيي لتجميع أسهم المشروع .. نحط ميزانية تقريبية لكل مشروع ونبدأ في عرض فكرة المشروع .. واللي بيتعيبها الفكرة بتساهم بسهم أو سهمين أو أكثر .. وتكون هناك فترة محددة لتجميع أسماء الراغبين في المساهمة .. يغلق بعدها باب التسجيل لأكتمال المبلغ المطلوب .. ومن ثم تكون هناك فترة ثانية محددة أيضاً لتجميع المبالغ والأوراق الثبوتية الرسمية .. واللي تتأخر يتم الغاء اسمها .. والسماح لأعضاء جدد بالمساهمة بدلاً عنها ..
بس انيي لأهم نقطة .. وهي هل ممكن نلاقي من هم ثقة حقاً .. وعندهم الخبرة الكافية لخوض مثل هاي التجربة .. ومن هم ؟؟ وكيف ممكن نوثق فيهم واحنا أغلبية تعاملاتنا بتكون عن طريق النت ؟؟؟
السيولة بسهولة راح نحصلها باذن الله .. لكن ادارة المشروع هي أكبر عائق للحين أحسه موقف التنفيذ الحقيقي لمثل هاي المشاريع ..
ومن ضمن المشاريع المقترحة عقب .. مشروع شركة توصيل صغيرونة …
أتمنى ان تكون فكرة الموضوع حلوة .. وانا نقدر نطبقها فعلاً على أرض الواقع ..
ونحصل المشرفة الحلم على مجموعة مشاريع سيدات الامارات .. طبعا ما أقصد مشرفاتنا العسولات .. بس ممكن تتطوع وحدة منهم وتكون هي فعلاً المشرفة الحلم لمجموعة مشاريعنا ..
بس خايفة يستوي الموضوع مثل باقي المواضيع السابقة .. تطرح الفكرة .. وتلقى استحسان من قبل كثيرات يرغبن بالمشاركة .. لكنها للاسف لا تجد طريقها للنور !!! تبقى في عالم الاحلام والامنيات !!!
بس مثل ما قلت الأهم حالياً هو العثور على المشرفة الحلم على مجموعة مشاريع سيدات الامارات .. لأن غلب الخطوات الثانية بتكون أسهل شوي باذن الله ..
وليش ما نفتح باب لانتخاب هذه المشرفة ؟؟؟
نحط فترة محددة نعلن فيها عن مثل هذا المشروع .. ( بصياغة حلوة عاااد مو بصياغتي !! ) ومنو ترى في نفسها القدرة على تولي مثل هاي المسؤولية لترشح نفسها .. أو ممكن يكون الترشيح بعد من قبل العضوات .. يرشحون الشخصيات البارزة .. واللي لها سجل معروف في المدونة .. وتكون محل ثقة شريحة كبيرة جداً من العضوات ..
عندي أمل كبير انا بنحصلها باذنه – تعالى – بس متى عاااد ؟؟؟
وهذا من آخر الروابط اللي أكيد مارة عليكم .. وفيها اقبال كبير من العضوات والتاجرات للمساهمة ب 1000 درهم .. وفي منهم ب 50000 درهم بعد ..
https://www.uaewomen.net/showthread.php?t=138153
** أكرر أنا ما عندي القدرة للاشراف على مثل هذا المشروع .. لكني أبحث عن من قد تكون لديها هذي القدرة بل الطاقة والموهبة .. وأكيد بنحصلها .. المشرفة الحلم على مشاريع سيدات الامارات وييينها !!!! …
ولا تنسونا من خالص دعائكم خواتي 
أدري انه صعب نحصل المشرفة الحلم على مجموعة مشاريع سيدات الامارات بس مو مستحيل !!!
ولازم نبدأ بشوية خطوات جادة لين ما نحصلها .. ولا الفكرة أساساً هي اللي مو حلوة ؟!!!!
و انا فعلا ذكرت إن لازم نتقابل لو مجموعة صغيرة نحدد فيها الترشيح، و حجم الأقبال إلى الآن مع عدد المبالغ المقترحة للمشاركة حاليا.. وووو طبعا وايد أشياء..
لازم نحط لجان و مندوبات لكل إمارة و قبل الاجتماع نحط النقاط المفروض مناقشتها.. في كل إمارة تكون مشرفة أو تجتمع مع بنات إمارتها و بعدين يجتمعون العضوات المسؤولات عن كل إمارة و لو بالمحادثة في المسنجر إذا ما في فرصة للاجتماع في مكان واحد.. كل وحده تتكلم عن بنات إمارتها و اقتراحاتهن.. لغاية ما نتفق على شي معين نبدأ فيه الخطوة الأولى..
أنا مستعده لاجتماع دبي او رأس الخيمة لأني بصراحة راعية رأس الخيمة بس عايشة في دبي من عشر سنوات..
اللي تشوف نفسها مستعده للإجتماع في أي إمارة تبلغنا برسالة على العام لغاية ما نجمع العدد المطلوب من العضوات المسؤولات..
نحن فعلا لازم نتحرك و أنا أول وحده أحط أيدي بإيدج عزيزتي math و الله يوفق الجميع..
وفكرة الاجتماع على الماسنجر حلوة .. بس للأسف عن نفسي صعبة شوي .. ( لأني ما أستخدمة واايد .. لا تضحكون علي عاااد !! ) ممكن نتواصل على الخاص ؟؟ أو عن طريق الاتصال المباشر ؟؟؟ ولا ما يستوي ؟؟
ونتريا باقي البنات … واقتراحاتهم ..
والهدف الأهم انا نحصل المشرفة الحلم اللي ممكن تكون لديها القدرة على الاشراف العام على هذه المشاريع مجتمعة والتنسيق لها .. وهي من تتولى التواصل مع المشرفات الفرعيات لكل امارة … واللواتي يتكفلن بالاجتماع وادارة المشاريع في الامارات المختلفة .. وقد نصل لدول الخليج والدول العربية .. وقد نجد لنا أفرع عالمية مستقبلاً ليش لا .. احنا مو قدها ؟!!
منو اللي قال احنا مو قدها ؟؟؟؟؟
والله يكتب اللي فيه الخير .. وبدى التفاعل يحمى .. حياكم خواتي ..
الله يوفقكم ياااااااااااااااارب وتحصلووووووووووووووون المشرفة الحلم
سلالالالالالالالالالالالالالالالالالالالالالالالال الالالالالالالالالالالالالام