افيييدوووني.. الدكتوره نفيسه.. مستشفى الزهرا للصحة

بنات انا باجر عندي آخر موعد ولاده تاريخ 13-7 وها الحمل الثاني لي..

وكنت اراجع في مستشفى دبي الحمريه ومستشفى الزهرا عند الدكتوره نفيسه..

وكنت خلاص امقرره الولاده عند الدكتوره نفيسه ان شاء الله..

بتقولون شو المشكله الحين.,,,

المشكله اني انا كنت اول بيبي والدتنه قيصري بس لأني ماعرفت ادفع وكان فاتح الرحم كامل..

وحملت يوم عمر ولدي 6 شهور بس.. الحين قايليلي اول شي بتجربين طبيعي وعقب إذا خلاص ماقدرتي او انفتح جرح العمليه بنسويلج عمليه..

وانا اتمنى والله اربي طبيعي والله اتمنى.. ادعولي…

المهم.. اليوم سرت عند الدكتوره نفيسه وهي من اول الحمل اتقولي ان شاء الله طبيعي وجربي الطبيعي وماعرف شو وانا اقولا هي ان شاء الله انا اتمنى اربي طبيعي

بس اليوم يوم سرتلها وماباجي شي عن موعد ربايي يعني باجر موعد الولاده.. قالتلي انتي شو تبين طبيعي ولا قيصري…؟؟؟!!!! قتلا اكيد اتمنى الطبيعي..

قالتلي بس إذا الله راد على طول قيصري وانتوا روحين وماعرف شو.. وهالياهل كبر ومن هالسوالف مع انه في دبي من اسبوعين قالولي حرام ها اطلعينه قيصري ها وايد صغير… مادري كيف حسيت.. خااايفه الحين اربي عندها وعلى طول ماتصبر عليي واتسويلي عمليه..

بنات شوروا عليي شو اسوي..

انا كنت مستانسه ومرتاحه اني بربي عندها لأني مابا اربي في دبي مدام السسترات بس اللي ايولدون يعني اخاف يتبطل اليرح ومن هالسوالف ومايعرفون شو السالفه.. غير يوم على راسج دكتوره..

بنات الله يجزيكم خير قولولي رايكم.. احسبها مستسهله القيصري وانا احس حاطه في بالي مستحييييل قيصري.. ماباااا..

دلووووني شو اسوي شوروا عليي.. وخاصه انها قالتلي خلاص اخر يوم عندج هالإثنين لازم تين الصبح.. يعني شو بتسوي…؟؟؟ بتولدني ولا شو..؟؟ ومايستوي اصلا تعطيني طلق صناعي وانا اول ياهل قيصري .. هي بروحها قالت..

لأنه عادي الطلق الصناعي يفتح اليرح..

قولولي شو اسوي.. وادعولي اييني الطلق واسيرلها وايكون خلاص وقت طلوع البيبي بإذن الله.. عشان ماتفكر بالقيصري..

احس اتفكر اتولدني بسرعه لأنها وراها اجازه اعتقد تاريخ 19-7 بتطلع اجازه..

تتوقعون تبا اتخلص مني بسرعه عشان الإجازه؟؟ مابا احط في ذمتي بس اقول يمكن..

وعندي آخر سؤال..
حد جرب ابره الظهر في الزهرا..؟؟ وشو رايج فيهم؟؟

والسموووحه..

وادعووولي بتسهيل الولاده واربي طبيعي يااااااارب..

يالله يارحمن يارحيم يامجيب دعوة المضطر اذا دعاك يامن تقول للشي كن فيكون ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان ويالله ترزق كل محرومه بالحمل السليم عاجل غير آجل آمين يارب العالمين

اللي اعرفه اذا الوحده كملت شهرها يعطونها اسبوع ..واذا ماربت يعطونها الطلق الصناعي..
انتي خبريها انج تبين تتريين اسبوع عالاقل واذا ما ربيتي ..((ان شاء الله تربين قبل الاسبوع ))..سيري عندها واتوكلي على الله خل اتسويلج العمليه…او اتقرر شو المفروض تسويلج لانها دكتوره وادرى بحالتج..

بس قوليلهم ابا اتريا شوي اذا مافي ضرر عليكم انتي والبيبي..

الله يسهل على كل حامل..

الله يسهل على كل حامل..

بس والله بعدني متردده خايفه من الحكومه لأنه بدون دكتوره حزه التوليد.. بس حق الخياطه دكتوره.. بس..

طمنوني عطوني آراءكم زياده.. والله محتاره وضاااااااايجه مب عارفه شو اسوي..

مابا حكومه عشان العنايه .. ومابا خاص اخاف يستسهلون القيصري..