اخواتي عندي ولدي عمره 9 اشهور ومش عارفه شو اسوي له اكل
بشو تنصحوني يا اهل الخبرات… وجزاكم الله كل خير
الريوق الساعه 6 سيريلاك او فارليز
الساعه 9 رضعه
الساعه 12 الغدااااء – كوسا وجزر وبطااطس او بطاااطس وعيش وبركلي او شوفاان وكوسا وجزر ونوووعي ع حسب الخضار الموجوده
الساعه 3 رضعه
الساعه 6 موز مهروووس او خضااااار او مهلبيه او رز امبرس الجاهز
الساعه 9 رضعه
وووووبس
ادعيلي ربي يوفق عيااااالي
ترى الجدول من دكتوور عنده ماجستير فطب الاطفال
هلا اختي الفاضلة ..
ماشاء الله عليه وربي يحفظه 9 شهور يعني المفروض تحاولين تأكلينه الغالية ..
بس بشرط اي اكله من البداية حاولي تعطينه شوي شوفيه بيتحسس منه والا لا ؟
الفواكه والخضار بأنواعه .. وقللي من الفراولة لانه يقولون انه مب زين الا بعد سنة والله اعلم .
صفار البيض حاولي تأكلينه وتجنبي البياض الا بعد سنة ..
واحسن طريقة عشان البيض ما يكون ثقيل على معدته ..
حطي شوي زبدة في التاوة .. واقلي صفار بيضة وحدة على اسريع وأول ما ينطبخ على طول سكريه لا تخلينه ينطبخ وايد ويصير يابس ..
وبعدها حطي ملعقة صغيره جبنة كرافت السائل او بوك مثلا ..
عشان يعطيه طعم ملوحة وعشان يكون سهل البلع شوي .
وبعدها لا تنسين تشربينه ماي لان بالفعل البيض ثقيل على الياهل في البداية .. عن تجربة ..
عطيه روب .. لانه وايد مفيد وسمعت انه افيد حتى عن الحليب الفرش .
أرز بالحليب – مهلبية .
شربيه شوربة خضار مطحونة – شوربة عدس بالخلاط .. شوي بس عشان ما يسبب له غازات وعسب يتعود مع مرور الايام .
هذا اللي يستحضرني حاليا ..
والله يوفقج يارب .. واستشري الطبيبة قبل كل شي .
اكثر شيء عيش ابيض مع سمن واحيانا نسوي لهم العيش ابروحهم ليين بس هب مهروس مووووليه
وساعات نخلط معاه اشوية من السلطة مثلا الطماط والسمن والعيش
نفعص لهم من التمر (السح) ونطعمهم يا بروحه يا مع نقطتين سمن يعني اشوية سمنه
الروب مثلا انحط معاه يا شكر يا دبس (عليكم بالدبس اللي عندي رووووووووووعه) ما يفضل العسل للاطفال تحت 3 سنوات
والدبس وااااااااااايد مفيد حق الصغارية ما اتخيلون اشكثر مفيد
اي خضره في الصالون انظهرها ونهرسها مع العيش ونطعمهم
بسكوت مثلا خفيف انحط عليه حليب او عصير بس اكثر شيء حليب ونتريا عليه الشوي وناكلهم اياه شرا السيريلاك
شيء وايد اشياء بس ها اللي ايحظرني
