افكار لفولة العيد للمطلقات و الرامل

أولاً : كل عام وانتم بخير ومبروك عليكم العيد مقدماً
حبيبتي أنا متعوده كل عيد افرش السماط على الأرض واسوي بعض الأكلات في البيت ويا شغالتي مثل ( فريد اللحم، العرسية ، اللقيمات ، الدنقو ، الساقو ، الخبيص ،واجيب بعض المعجنات من برع وطبعاً الحلويات والمكسرات من المحمصة واضع جميع انواع الفواكه في صينية كبيرة من كل انواع الفواكة الموجودة في السوق وطبعاً في الوسط لازم تكون اناناسة .. والمدخن يفوح منه العود المعطر .. بس السنه أنا مغيره شوي طبعاً يعود التغيير على أثاث المجلس لأن العيد هذا مغيرين طقم الكنب زايدين عليه طاولات على طول المجلس وناوين نحط الفواله على الطاولات لانه اريح للكبير والصغير والتنظيف على اساس التغيير ملينا من الاكلات الشعبية طول رمضان ومحتاجين التغيير وأنا حبيبتي ناويه أغير هذه السنة اشتريت 3 صواني استيل مال الضيافة وحدة بحطي فيها جمع انواع الخبر وحدة بحط فيها مثل ( الخنفروش ، والرقاق ، الجباب ، الخمير ،المحلى ) والثانية بحط فيها المحاشي مثل ( الكوسا ، ورق عنب ، الملفوف ، الفلفل الرومي ، القرع )والثالثة ( حلويات مخبوزه كنافة ،بقلاوة ،بسكويت البتي فور – المعمول – غريبة )وبحط حوليهم صحون صغيرة وملاعق وشوك ويلي يبغي يخدم نفسه طبعا ما بنسى الفواكه والعصائر المعلبة والفرش والقهوة والشاي .وبعد اذان الظهر بنجهز العيش والمالح ويا السمن البلدي وسلامتكم

فوالة العيد شي اساسي في كل بيت …

واما عن فوالتنا فهي بسيطه وما نكثر فيها من الاكلات…ما ادري ليش لانه يمكن محد ياكل عندنا

وهي عباره عن مكسرات وانواع من البتفور والبسكويت

وانا حطيتهم في صحون مغربيه تقريبا 8 صحون وكل نوع في صحن وهذا شكله بس اللي عندي منقش

وانا اشتريته من كارفور ومتوفر في هيبر بندا وسبينس

وطبعا من غير 3 حرارات متشابهة ستيل بس للاسف ما عندي صوره..

وفيهم بلاليط وخبيص ودنغو او لوبيا او باجلا

وبس

ما شاءالله عليكم خواتي زيدونا من خبراتكم وافكاركم صدقوني ها وايد يساعد المعرسات يداد

الله يجزيكم كل خير

انا احب الحلويات الغريبة في محل حلويات صوب الستي دبي عند مركز دبي عنده حلويات اشكالها غريبة و عصاير فرش بعد غريبة مثل عصير الفستق و الزنجبيل بس يمي

نحنا فالتنا في العيد اتكون شبه وايد

يعني لازم الفواله مرات يحطونها اف سله ومرات في صينيه
وطبعا كل انواع الحلويات الشاميه ومع المكسرات
ويحطون الخبيص والبلاليط
ويرانا بعد مات يقصرون يطرشولنا هريس وفريد ومضروبه وعرسيه وشيء ناس يطرشولنا اكلات غريبه يعني
السفره تمتزر من اغراض اليران ما شاء الله عليهم

بس هالسنه ما اعرف كيف راح يكون العيد بالنسبه لي لأني بكون اف بيت اهل ريلي واتوقع ان العيد بيكون عنهم غير ؟؟

الحمدلله فاكه عمري

احنا من نصبح الصبح وانسير بيت اهل ريلي بيتنا صغير و محد ايينا و كل حد ايسير اهناك اتزهب و اتكشخ و كشخ الياهال وانسير اهناك بس لازم اكون امسوية سويتات يعتمدون علي في السويتات

وسلامتكم