افكار لتجديد الدار دليل العروس

مراااحب بنوتات و حريممممات …شخباركم
مثل العنوان تماما تعالوا نحطي افكار لترتيب و تجديد بيوتنا غرفنا واستغلال مساحات الواسعة او توسيع مساحات الضيقة عشان نحس دوم ان بيوتنا متجددة و سهلة فالترتيب الاغراض سهل نحصلها ونوصل لها
1- اتمنى كل وحدة تشاركنا خبراتها فالتعامل مع أي شي مو عاجبنها فبيتها 2- او تخبرنا مشكلة تواجها وتحب البنات يساعدونها 3- نوعية اثاث او ديكور استخدمتوه كان اوكي ولا مو اوكي ؟ 4- أي شي تحبون تقولونه غير هاي الاشياء

حلوة الفكرة

السلام عليكم خواتي العزيزات
ضربتيني على الوتر الحساس ألا وهو ( البيت ) ، انا عشقي التغيير والتجديد في البيت بالنسبة لي احب لما اعدل او اجدد احطي خطة على حسب الميزانية
اولا – اسوي جرد ( ملابس – مطبخ – مخزن – غرف النوم- الصالة ……إلخ
ثانيا – إذا اشوف ان الصبغ محتاج تجديد او احطي ورق جدران اشوف شو الدارج واسوي على حسب الميزانية
ثالثا – الستائر اشيلهم واغسلهم وإذا في مجال مثلا اغيرهم
رابعا – اسوي تنظيف شامل وكامل البيت يعني الحمامات ( وانتوا بكرامة ) اشوف في شي خربان لازم يتصلح – انظف الحمام من فوق لين تحت حتى الدريشة انظفها من برة وداخل واحرك الأثاث من مكانه وانظف البيت عدل عدل واغير ترتيب المكتبة ومكان التلفزيون والغنفات واغير مكان الإكسسوارات واشوف اذا في إضاءة محتاجة تغيير
خامسا -الزوالي لازم تنغسل وتتشمس واغير مكانها بعدين واشوف إذا البيت محتاج اشياء جديدة مثل اطقم سفرة لوحات اكسسوارات للحمامات الغرف

سادسا وايد مهم خواتي انج تبخرين البيت باللبان والحبة السودة كل اسبوع وتفتحين الدرايش والبيبان

وفيني طبع احب اغير لما ابو الشباب يكون مثلامسافر علشان لما يرجع يحس بالتغيير

وموضوع حلو وحلو كلام الاخت صدى الغرام
موفقه

انا لاتسالوني معفنه

هههههههههههه

تحلا ايامج يا رب

عليكم السلام هلا خيتو صدى واايد افكارج حلوة ومرتبة ما شاء الله بس كل كم هل جرد يستوي؟؟

هههههههههههههههههه ^^ حلوو مرورج خيتوو وااو اسعدتيني