بنوتات مره وانا قاعده ابدل ابي اطلع يت فكره ابالي اني انزل لكم الشغلات اليديده الي اخيطها
بما اني اعشق التصميم فحاول اصمم لبسي بروحي
ومرات بصراحه تيلي افكار مينونه بس بالاخير يطلع شي فنتق وحلوو
الشغله الاولى
مع بداية الاشتى يه ابالي الخام الحياكه بس الناعم
ووصيت امي الله يطولي بعمرها اذا راحت سوق الاقمشه تيبلي
وماقصرت يابتلي
حطيت الخام وقعدت اطالع والفلفه على عمري ابي له موديل
رحت شريت له بطانه قطن سترج بيج افتح منه
وسويت بلوزه على شال وشكلها صار غريب وايد بس روعه
وهذي صورته
[IMG]
[/IMG]
البدي البسه مع بنطرون جينز
وحطيت قيبيات(دانتيلات هنديه)بثلاث الوان ذهبي وعنابي واخظر ويكونون نفس الاسوار
وهذي طريقة القصه القصه جم يكون واسع ويصير ضيج من الخصر
والصوب الثاني الجم يكون ضيج
وهذي طريقة الجم يكون مثل الاسوار
وهذا الاكسسوار القلب انا مسويته من الولو ومركبه عليه الورد الحياكه ولافته ثلاث لفات
وعزكم الله هذا الصندل الي البسه معاهم هم حياكه وفيه خيوط تنربط على الريل ونفس لون الجينز
وهذا موديل ثاني موديل شال بس ينلبس كأنه جاكيت وموديله غريب وايد
شال بس فيها جموم ندشش فيهم ايدينا وممكن ينلبس بكذا طريقه مفتوح او مسكر
مع الجينز وايد حلو او ممكن بدي اسود وبنطرون اسود
وهذا من وراا وقصته مدوره
خواتي اتمنى انه الموضوع يعجبكم
وان شاء الله بس اخيط شي يديد بوريكم اياه
واي استفسار او مساعده انا حاظره
تحياتي
بنت الكويت
إبصراحه أحلى شي إنه شي مميز وماتشوفين حد لابس شراتج وتلفتين الانتباه بلبسج
ودوووووم بتريا يديدج
ّّّّّّ^^^^^ اليوم عرسي ويالسه على المنتدى متفيجه بس عسب أخف التوتر اللي فيه
إدعيلي الغاااااااااااااليه
اممم حلو انه الواحد يسويله شي يميزه عن غيره .. ما شالله عليج نتريا يديدج
واختنا راعية الورد ألف مبروك حبوبه صدق متفيجه متيلسه ع المنتدى ..
سيري ريحي بالج .. هههه ربي يسعدج ويوفقج ان شالله ..
~::~
ورائــــــــــــع
الله يعطيج العافيه
احلى شي انه وايسع وفضفااااااااض ^___________^
تسلمين حبـــــــوبه…