اعراض تدل اذا الجنين سليم ام لاا.. تغذية صحية

السلام عليكم خواتي.. شخباركم..؟

يزاكم الله خير خواتي طمنوني.. انا حامل في اول الشهور مادري متئ اخر دوره بس لما راجعت الدكتوره قالت لي انه مبين في السونار انه كانت تاريخ 1/6/2016 ..وعطتني موعد الولاده 16/3/2015 بإذن الواحد الاحد..

سؤالي ياجماعة الخير انا تقريبا بكون قريب وادخل اول الشهر الثالث.. بس ابدن مب حاسه بأي اعراض .. امارس حياتي طبيعية جداا حتئ احيانا انسئ اني حامل!!

مب عارفه هالشي طبيعي اني ما احس بأي الالام او ترجيع …. الخ من سوالف الحمل؟؟؟

هل هالشي يدل علئ انه وضع الجنين مايبشر بالخير بعيد الشر…!!

ما اقدر اسير العياده لانه ريلي مداوم وماعندي حد .. في اللي تعرف تطمني يزاكم الله خير..!

حبيت ادعيلك ان شاء الله ماتشوفين شر سيري للدكتورة وتطمني،على عسب معلوماتي مب كل حريم تتوحم والله اعلم موفقة حبيبتي

فديتج يالغالية تسلمين .. ربي يثبت حملج ويقر عينج بالطفل السليم المعافئ..

يزاج الله خير ياقلبي..

ننتظر خبرات الاخوات..

عادي حبووبة كل حرمة تختلف عن الثانية

في حريم ما يحسون بالوحام
و في حريم لين الشهر الثامن تتوحم

عادي جدا بس ادا انتي مب مرتاحه راجعي دكتورتج

عادي يصير أنا ما كنت أحس بأعراض اول شهرين بس فالثالث بدت عندي الأعراض اولها الترجيع فلا تحاتين أختي دام الدكتوره طمنتج ^^ ربي يثبت حملنا أجمعين ويرزقنا أطفال كامل الخلقة بلا زياده ولا نقصان أمين

انا عندي ولد وبنت ربي يحفظهم بس ماكنت اتوحم ولا احس بالجنين الين 4 شهور ونص وكنت امارس حياتي عادي وهالشعور طبيعي سبحان الله وربي يحفظ لج ذريتج لا تحاتين ان كانت قايلتلج الدكتوره قبل انه عندج مشكله فالحمل روحي تابعيها بس اذا ما قالت لج شي عادي فديتج امورج طبيعاً وبعد ترا اقولج الين الخامس يادوب تحسين بحركة البيبي شي بسيط لانه بعده يكون صغير بس ترا فالسونار اذا تشوفينه انه كبير هم يكبرون الصوره عشان يشوفون البيبي عدل..