خواتي انا جربت اسوي سمن الزبده بس ماعرفت شو (( المتيبه)) كيف شكلها
وفي حد قال سوي عيش محمر ومطحون وحد قال طحين محمر
شو الطريقة الصحيحة عطوني الي تعرف الطريقة
وجزاكم الله كل خير
.gif "12 (11)")
الطريقة الصحيحه انج تأخذين كمون(سنوت) حب
وكزبرة(يليلان) حب بعد
وتقلينه في المقلا بدون زيت طبعاا لحد ما تشمين الريحه الي تفر الراس
وعقب خذيه وطحينه
وعقب هاتي جدر ثاني وحطي شوي طحين مقدار فنجان اذا لزبدة وحده
مع شوي ملح والكمون والكزبرة الي طحنيتهن فريش(هذاا سر الطعم والنكهه)
وثواني على الضو
وعقب زيدي الزبدة وتريه تذوب طبعا مع التحريك المستمر والضو تكوون خفيفة
ويوم بتذوب كلهاا
بندي الضو وغطي الجدر وخليه فترة 5 ساعات تقريبااا
وعقب بيصر عندج أحلى دهن على ضمانتي 
المشاركة الأصلية كتبت بواسطة songbird 
خواتي انا جربت اسوي سمن الزبده بس ماعرفت شو (( المتيبه)) كيف شكلها
وفي حد قال سوي عيش محمر ومطحون وحد قال طحين محمر
شو الطريقة الصحيحة عطوني الي تعرف الطريقة
وجزاكم الله كل خير
وعليكم السلام
مثل ما قالت الاخت فوعه العين
واكيد انتي تعرفين الطريقه صح بعد ما تحطين مقادير السمن في الزبده اتحطي اي شي مثل عيش او طحين او خبيص مش شرط يكون محمر غرضه انه ينزل البهارات للقاع والسمن يرتفع لفوق هذا هو
الغرض منه وان شاء الله يزبط معاج
على فكرة اللي بيترسب في القاع .. اسمه خلاصة ..
كلوووه مع التمر
وجزاهم الله كل خير
الكزبرة الحب = شبرم = جلجلان = يليلان = سمسم بالليبي = كسبر حب = coriander
الكمون = السنوت = cumin
الكراوية = caraway