شحالكم ياعضواتنا الحلويييييييييييييييييين؟؟؟؟ امباركن عيدكم والله يعوده علينا كل سنه وكل حوووول ان شاء الله…
حبيباتي في مواقف تتكرر في حياتي اليوميه واتضايقني وحبيت اقولها لكم واستفيد من نصايحكم ومن تجاربكم فالحياة …
اولا انا متزوجه من سنه ونص تقريبا وعندي بنوته الله يخليها واحين بخبركم الاشياء اللي تضايقني…
بعض المرات يوم اسير عن هليه اطلع مع عمتيه وحريم عمامي للشوبينق وعمتيه من سني فأنا مب من اللي وايد تربع ورا الموضه مش دايما امشي عليها فاحين نازله موضة الشنط الكبيره وانا ماحب البس شنطة سفر فدايما تقولي ليش انتي جيه البسي الحين الموضه جيه وماعرف شو واقولها مش شرط البس عالموضه انا البس اللي يريحني .. وبعض الاحيان نرمس عن الماركات تقولي ليش انتي جيه ماتلبسين ماركات ووووويبدى الشريط ماعرف هي ليش جييه استوت وهالشي وايد يضايقني مع اني والحمدالله البس واعرف فالماركات بس ماحب البسها للشوبينق مع انه حتى شنطة السوق ماركة بس حجمها متوسط … وعن بنتي دايما تحشرني ليش ماتلبسينها واتكشخينها ؟؟ ماعرف هل الكشخه بس اذا لبستها ماركه ؟؟؟ مع انه كل اسبوع اروح اشتريلها ومااشتريلها من اي مكان والله بس ليش جييه تفكر ماعرف مع اني انا واااااااااااايد كلوووووز معاها ومانتزاعل الا في هالموضوعين وصار واااايد يظايقني لدرجة اني اصيح …. انا بطبعي ما اتفشر ولا اخق واااااايد يعني لو اشتريت ساعه يديده توها نازله مااحشر الخلق اني خذتها الا اذا شافوها عليه …..
الشي الثاني اللي يضايقني هو يوم حد يسألني عن حياتي الخاصه وانا ماحب اتكلم عن اي شي في حياتي الخاصة لنها هالشي يضايق ريلي ومايحب اني اخبر حد وهذا طبعا تعتبر من اسرارنا بس المشكله يوم نكون كلنا حريم الحياة عندهم عادي والله يقولون ويتكلمون والله بس انا استحي اتكلم في مثل هالمواضيع احسها اشياء خصوصيه ومابا حد يعرفها…
الشي الثالث هو دايما مرت اخوي تسـألني عن شغل ريلي وكم معاشه والله العظيم انا ماقد يا فبالي اسأله كم معاشك؟؟؟ لين اليوم انا ماعرف ولايهمني دامنه ملبيلي طالباتي والحمدالله مرتاحين في حياتنا…. والله وايد استحي يوم تسألني واتقولي كيف خذتي واحد ماتعرفين وين يشتغل وكم معاشه …. اوكي يمكن انا اعرف وهو مأمنني على شغله ومايبا حد يعرف وثانيا انا يهمني الريال وماتهمني فلوسه ……
اتمنى انكم اتفيدوني …. واذا في شي اتذكرته بقولكم ….. 
لان الوحده بتحتار ترضي من ومن,,, المهم انه انتي مرتاحه ومستانسه ؟!؟!
وموشرط الوحده تمشي عالموضه لان بعض الاشياء ما تناسب شخصيتج او غيره …
اما عن حياتج الخاصه محد لا شغل فيها هذي حياتج تخصج وتخص ريلج وبس ..
وموفقه يالغاليه وربي يسعدج ويحفظ بنيتج وريلج ..
يعني ما أحب اشل الشنط الكبار(ريلي يسميهن بقشه) ههههههههه…لأنهن مايتناسبن ويا حجم جسمي…لاني ضعيفه ومب حلو اني اشل شنطه اكبر من راسي
احب الشنط الوسط
البس عيالي لبس راقي وغالي ومب شرط ماركه
ما احب اعرض اللي مشتريتنه يديد…وغالبا الناس او اللي حولي يبدون اعجابهم في اغراضي.
بس انا أختلف وياج في نقطه وحده…انه ما أحد وجهلي ملاحظه بخصوص لبسي او حياتي الخاصه
واتفق وياج ان الحرمه حرام تنقل الحياه الحميمه وتعرضها على الملأ….بس احيانا ممكن الحريم يرمسن في موضوع
عام فممكن اني اشاركهن الكلام بصفه عامه وما اخصص حد….من باب الاستفاده من خبرات الآخرين.
انا ويااااج مشتركة فكل هالنقاط الي قلتيهن .. بس انا مالجة مب معرسه ..
بس سبحان الله اولا بالنسبة للشنط اصلا ما ادانيهن خير شر وخواتي وبنات خالي دوم حاشريني على هالسالفة بس عادي ادخل من اهنه واطلع من اهنه .. الواحد ما يسوي الا الشي الي يريحه .. حتى الحين وانا اتزهب حق عرسي ما ايي صوب الشنط الكبار مع ان الكل يقولي احلى وهاي الموضه وماعرف شو .. شو يخصني عاد انا موضه ولا لا ما ارتاح وانا شاله شنطة اكبر عني شسوي ..
وبالنسبة لخصوصياتج ويا ريلج فانا نفسج ريلي من اول ما ملجنا نبه علي ان كل شي لازم يتم بينا وماله داعي الناس تعرف كل شي نقوله ونسويه .. وانا من قبل متفقه وياه فهالنقطة لاني كنت وايد استغرب من البنات الي ماشاء الله حياتهم كتاب مفتوح للجميع .. سوالفها ويا ريلها شو قال شو سوى وين ساروا مشاكلهم كلها معروفه للكل .. حلو ان الوحده تشارك بتجاربها عشان تفيد غيرها بس مب انها ترمس جدام الكل عن كل شارده وواردة فحياتها هي وريلها ..
وآخر شي عن شغل ريلج ومعاشه ماعليج من غيرج الغالية .. انتي الي عايشه وياه ومدامج مرتاحه محد له علاقة بهالسالفة .. انا اعرف وين يشتغل ريلي بس ماعرف كم معاشه ومب هامني وما ابغي اعرف عشان ما افتح حق نفسي باب المقارنة واقول ريل فلانة راتبه اكثر وماعرف كيف .. المهم انه مب مقصر علي بشي هذا واحد ثاني شي خلاص ها ريلي ومهما استوى مهما كان معاشه وين ما كان يشتغل ما يهم مدامه الشخص الي اختاره لي ربي ومدامه نصيبي الي راضيه ومقتنعه فيه ومابغي ابدله مهما صار ..
والسموووووحة ع الهذرة الزايدة ^___^
ومن ناحية سوالف الحريم انا اشوف اللي مفتقده نوع من العاطفه او اي نوع من النقص هي اللي تتكلم عن ريلها وشو سوت وشو لبستله وشو هدته ……الخ انا يوم يتكلمون اتم ساكته والهي نفسي باشياء ثانيه علشان محد يدخل في خصوصياتي الخاصه …… ولاتضايقين
ومن ناحية حرمة اخوج قوليلها رؤوس اقلام علشان بعد ماتزعل ….. وكوني كتومه في الاسرار ولكن لاتكوني كتومة العواطف ……………. ولاتضايقين
والله الناس عجب
انا اخواني مايسالوني كم راتبج
عاد اذا اهل البيت ماسالو الغرب ليش يسالون مادري !!!!
وانا معاج فحفظ الاسرار الزوجيه … يسمونها اسرار عشان تنحفظ فليش يسولفون فيها مادري
اذا كنتي فيلسة حريم والكل يسولفون باللي عندهم انتي تمي استغفري ربج وادعي وخلهم هم يسوون اللي يبونه
والله يعينج