والحين ما قلنا شي الاسعار غالية ما اختلفنا
بس سمعي عن هذة الفئة:
شوفي منكر البنات تبا حفلة خطبة وحفلة ملجة وحفلة حنا (وبعد حفلة الكركم)اظن جيه اسمها ولازم الحفلات تكون فيها استيج وكيك وعشاء وشبكة
بعضهم تبي في يوم العرس فساتين خواتها وحناهم والمكياج والتسريحات على المعرس
وبعضهن تضم بنات الجيران.
وفي بعضهن الله هادنهن يبن الستر من الله
"والي يبي الصلاة مابتفوته"
فالي يبغي يعرس وقد المسئولية وينظر للمستقبل ويعمل عشانه بيكون مهتم من بداية ما يبدأ يشتغل بيبدأ يسوي ميزانيه أو إدخار يقرر كل شهر يدخر هالمبلغ لين يحس كون نفسه للحياة الجديده
المشاركة الأصلية كتبت بواسطة أوتار الحنين 
سعيد بياخذ الاجنبية لانها بتكون طيبة وماتبي مهر
بس من يتزوجها بدفعه دم قلبه
كل يوم بتقوله ياللة بشتري ذهب وهي تخزن
وكل يوم في الاسواق كانها ماشافت خير في حياتها
انا من رايي انه الموضوع بيد الاهل يعني هم اللي يغلوون عالريال لما يتقدم لبنتهم ..هم اللي يعجزونهم بالمهر والزهبه الغاليه…. يعني اذا الاهل متفهمين حاله الريال بساعدونه وطبعا ما اعتقد فيه بنت بتوقف فويه اهلها وبتقول لا مهري اشويه والا زهبتي اشويه ابي جيه والا جيه …..وبعدين اذا عالحفلات اللي هي الخطبه او الملجه … اذا كانت الفتره اللي بينهن طويله يعني سنه او 2 ليش لا ما اعتقد انها بتسويله ازمه ماليه لانه فرق الزمن بينهن طويل وعنده وقت يخطط ويجمع…. وممكن هي اتساعده بانها اتسوي الحفله بسيطه
والسموحه
والغاليه تستاهل كل غالي.. لكن احين كل شي تغير هب بس سعيد لي انجلب حاله.. اهلنا بشكل عام طافت عليهم العولمه
وماقصرت.. قبل بنحط الصينيه وبنتزاقر يافلان ويافلانه وبندور عليها وهذا عدال هذا.. وهذا يقرب لهذا ونسأل عن يارنا
تغدا ولا.. وفلانه حد وصللها غدا اليوم.. احين كلن بصحنه داير ومانعرف منو غايب ومنو حاضر.. وشي منهم مايعرفون
شو اسم يارهم.. يت على سعيد لي مانعرف شو فخاطره.. يالغاليه الدنيا دارت بدوايرها والناس تحط الغلط عليها.. ونحن
اذا بنفكر نعدل شي ولا نصحح اخطاءنا.. صدقيني نرجع لدينا الصحيح هو الخير ولبركه.. بيهذب الشباب وبيحفظهم من كل
ردي.. وبيحشم البنات وبيسنعهن.. وبيرفع جيمتهن في عيون شباب لبلاد.. دينا دين حق ودين اخلاق.. لو ام سعيد تعرفه
صح ما بتيلس مجابله التلفزيون اتابع مادري شو..!! ولو سعيد يعرفه صح ما بتجوفينه رغيد في كل مكان وبرف جيمة
الامانه لي فيدينه.. المال متاع دنيا وربنا بيحاسبنا عليه..!! انا هب متطرفه ولا من النوع المتعصب الدين يسر لكن بعد
نحن يسرناه زياده عن اللزوم لدرجة انا خلطنا الحلال بالحرام تحت شعار الدين يسر.. اقول هالرمسه واستغفر ربي ترا
مرات ازيدها.. بس هذا كان فخاطريه وبغيت اقوله اي مشكله نقدر نواجها لو وقفنا وقفة رجل.. والرجل بمعنى الرجل.!!
شو ها؟!!!!!!!! الا بتي ب100 الف و إلا بنت 150 ألف ليييييييييييش بايعينها ما تبونها متبرييين منها
ترى عيال البلاد مب بس غالييين وخقة وفشخرة ورافعين خشومهم ومشاااكل
لااااااااااااااااااااااااااااااااااااااا
ترى البلاد فيها البنات الرخاص بمهورهن بس غاليات وعاليات بأخلاقهن وأدبهن وحشمتهن وحيائهم وفوق هذا رقة وحلاه
إنت ماعليك إلا تتعب شوي عسب في الأخير ترتاااااااح ياخوي وأ نا إختك هههههه
موضوعج حلو ويستاهل النقاش بجديه وتفاعل مشكورة ع الطرح والله يوفق سعيد ويلاقيله بنت الحلال الي تسعدة وتصونه