عندي كذه سؤال حبيباتي وياليت القى لها جواااااااب لانه ما عندي غير الله وانتم
بنات انا الحمد لله تخرجت بشهاده بكالريوس تربيه وبعدني ما توظفت ولا قدمت ع وظيفه
ان شاء الله قريب بمتحن ايلتس وبقدم لكن سؤالي هوووو؟
متى يفتحون ابواب التسجيل في دبي لوظيفه التدريس ( المعلمه ) بلييييييز اللي تعرف تخبرني اي شهر يعني ؟
وانا حابه اكمل ماجستير تربيه في الانجليزي والرياضيات والعلوم بس كيف الاجراءات واي جامعه او كليه في دبي اقدم وشو اسووووووي والله مب عارفه شي بهالموضوع ابدن وخاطري اكمل مابي ايلس في البيت جي ؟؟
وهل اللي تبي تدرس ماجستير تدفع حق الدراسه لانه اربيعتي قالت لي جي وانا ماعرف فقلت بسأل المعلمات بالمدونة 
وهي صح كم رواتب معلمات دبي ابتدائي وروضه ؟
اتمنى فهمتو اسألتي 
بالتوفيق للجميع
مرحبابج غناتي
اول شي مبروك عالتخرج .. ثاني شي بقولج اياه بتتريين وايد ع مهنة التدريس !
ربي يسلمج انا متخرجه من سنه تقريبا نفس الشي بكالريوس بس انقلشومن كليات التقنية // مقدمة عند وزارة التربيه قبل لا اتخرج حتى! و امتحنت وقابلوني ونجحت والحمدلله بس تعالي ع سالفة التعيين !
من كم يوم معتمدين الاسامي وللحين ماظهرن الاسامي يقولون في هاليومين بس بعد حاسه ١٠٠٪ اني مب من ضمنهم مب متشائمه لا .. بس قبلي ميلسات في البيت من ٣ سنين و ٤ ! وهم ياخذون ع حسب الترتيب والشواغر !
للحين ماجاوبتج ع استفساراتج بس حبيت اعطيج فكره عامه عن اللي يحصل !
الحينه عشان تقدمين في التربيه لازم تجيكين موقع التربيه كل فتره لانه حاليا كاتبين فالموقع لاتوجد شواغر حاليا.. !
بس اذا حابه تشدين حيلج شلي اوراقج او طرشي حد صوب الموارد البشرية ف وزارة التربية ف دبي! وهم بيتصلوبج وقت الامتحانات وجي!
ثاني شي وهو اللي انا يالسه افكر فيه الماستر لانه مابه اضيع بعد سنه وانا ميلسه في البيت !
كل ماسترات الدنيا ابيزات الا اذا كانت عندج منحه .. ترومين تسالين وين تقدرين تحصلين منح وجي وتقدمين وتتريين لين تنزل لج المنحه !
انا افكر اخذ ماستر في كليات التقنيه في شي يخص التدريس والمناهج يقولون بحدود المية الف او ال ٩٠ الف جي .. والدراسه مسائيه و الله الموفق
واعتقد الدراسه تبدا يا فسبتمبر او فبراير مب متاكده .. يمكن تقدمين فسبتمبر و الدراسه فبراير !
عندج الجامعه الكنديه بعد ف دبي بس احس وايد مختلطه انا ماحبيتها مادريبج انتي !
وشي بعد ف جامعة الشارجه
وعن الرواتب اعتقد ١٩ او ٢٠ الف حسب اذا معرسه او لا والعلاوات وغيرهن !
اتمنى اني فدتج حبيبتي .. والسموحه عالقصور
فمان الله
وثاني شي بصراحه انا انصدمت لما قلتي انه اني بتريا وايد
وانا كنت حابه ادوام خلال هالسنه يلا الحمد لله شكلي بسير اقدم ف بوظبي احسن لي وبقدم في دبي بعد وبنشوف شش راح يصيرررررر
وبما انج معلمه انجليزي كم مطلوب ايلتس عندكم؟
الله يوفقج يارب
وافا عليج ماسويت شي !
ونتريا البنات يمكن حد عنده معلومات غير عن اللي قلتها ،
اتمنالج التوفيق غناتي ..
انا خريجة تقنية لغة انجليزية .. والحمدلله تعينت عقب شهر من التخرج لان نحن كنا اول دفعة فالتدريس وكانوا محتاجين..
لا تتريي ينزلون اعلان شواغر فالتربية .. انتي طرشي اوراقج للموارد البشرية فالوزارة عسب ما تضيعين الفرصة
وعالماستر (احسن مكانين عرف عنهم يعطون ماستر تربية وطبعا بالبيزات ) كليات التقنية + جامعه زايد
واتمنى اكون افدتج … وفالج التعيين