انا طالبة ثنويه عامه قسم الأدبي وحابه بعد الثنويه ادخل جامعة زايد
مشكلتي هي ماعرف اي تخصص ادخل !
انا وايد احب التصوير .. فكرت بالإخراج بس ماروم
يعني فرضنا تخرجت من هالتخصص شو بتوظف اكيد هالوظيفه إلي بتوظفها فيها
اختلاط وايد مع الرياييل
شي طبيعي الأهل مابيرضون
مب عارفه شو اختار ..><.. بليز بنات ساعدوني اي تخصص ادخل !!!!!!!!!!!!!!!!!!!
اذا لج ف التصميم والتصوير والاعلان انا انصحج ب جرافيك ديزاينر يمدحونه
وموجود في جامعه زايد
وبالتوفيق لج ولي 
انا سجلت بالموقع وخترت هذا الشي
ورمست البارحه وحده من اهلي متخرجه من جامعة الامارات
اتقوليي احسن لج روحي الامارات اقرب لج وفيها تخصصات وايد
ونصحتني ادخل تخصص علاقات عامه تقول انه مطلوب وايد ونفس الكلام امي قالته !
المشاركة الأصلية كتبت بواسطة صدى الونه 
انا سجلت بالموقع وخترت هذا الشي
ورمست البارحه وحده من اهلي متخرجه من جامعة الامارات
اتقوليي احسن لج روحي الامارات اقرب لج وفيها تخصصات وايد
ونصحتني ادخل تخصص علاقات عامه تقول انه مطلوب وايد ونفس الكلام امي قالته !
اهلين صدى الونه ..
دام انه جامعه الامارات أقربلج ف سجلي فيها وتخصصاتها كثيره
اما عن العلاقات العامه صراحه ما عندي فكره أنا حابه أدش ادارة اعمال لأن اغلبيه الوظايف جي مطلوبه ..
واستخيري ربج والله يوفقج
اذا كنتي مسجله ف نابو وتبين تغيرين تتصلين فيهم وتغيرين
ممكن تعطيني رقمهم إذا ماعليييج أمر ..^^..