استفسار عن توقيت أعراس الشتاء والصيف و ووو أشياء ثانية ..

أهلا وسهلا بالجميع ..

سؤالي تتفرع منه أسئلة ههههه

المهم ..
التوقيت المسائي في الصيف يفرق عن الشتاء ..
يعني الليل في الصيف قصييير وفي الشتا طوييييييييل …

اممم
1. هل فارق التوقيت الصيفي أو الشتوي يأثر في حضور المعازيم ومدة الحفلة؟؟
2. متى في العادة المعازيم يحضرون للقاعة؟؟ بعد صلاة المغرب ولا العشا؟؟
3. وهل يفضل وضع أناشيد ترحيب بالضيوف ، يعني مثل (يالله وصبوها القهوة وزيدوها هيل) خاصة لما يبدون الصبابات في الضيافة؟؟؟ ((هاي الفكرة داشة راسي بالقو )) خخخخ
4. متى يفضل العروس تدخل القاعة؟؟ ومتى تطلع؟؟
(يعني بعد ساعة من دخول المعازيم ولا أكثر؟؟ ولا يعتمد إذا العروس حابة العرس يطول لمنتصف الليل ولا؟؟))

أنتظر ردودكم وتفاعلكم .. ويعطيكم ألف عافية

و الافضل العروس ما تتاخر فالشتاء فنزلتها

لانه فعلاً الوقت طويييييل

بعكس الصيف الليل قصير

عندنا العروس تطلع بعد العشاء ساعة 10:ونص اذا صيف ولا شتاء
انقهر يوم اشوف العروس تيلس ع كوشة 11:30 وربع ساعة المعرس يدش ع طول ياخذها ويطلع @_@

نحن عندنا نحدد التوقيت ع بطايق فشتاء نكون ع استقبال من ساعة 8 ل 9:30
و فالصيف من 8:30 ل 10
و ع 10 العشاء
والعروس تدش ع 10:30 الحريم عندهن نص ساعة يسرون يباركون للعروس
العريس بيدش ع 11:00 بالضبط
وعندهم ساعة كاملة يقصون الكيك يشربون العصير يلبسون الدبل و تصوير مع الاهل

انا ما احب العروس والمعرس يصورون يدام الخلق ترا مب شيء
عاد بتسمعين من المعازيم الرمسة الحلوة ناس يقولون مب مستحية واللي تقول ما صدقت
فعيلتنا المعاريس يصورون من ساعة 7 ل 8 ^^

مرة حضرت عرس ع ظهر وتغدينا بعد صلاة الظهروخلاف دخلت العروس
مع اني ما توقعتها زحمة لكن ماشاءالله القاعة كانت فل
وايد استانست من الربشة فالقاعة و العرس فيوم الجمعة
وساعة 2 دخل المعرس و ما طلعو من القاعة الا قبل صلاة العصر

حبيبتي العرس انتي حددي وقته بروحج لكن يعتمد لو يوم اجازة بتحصلين الكل موجود فالوقت المحدد
لكن لو يوم عادي ودراسة ودوامات عادي توقعي المعازيم بيتاخرون …