مشكورين لانكم ساعدتوني فموضوعي الاولي
بس حبيت اسال بالذات عن الاسواق عن المرة
شو الفرق بين اسواق كولون و دوسلدورف و و ميونخ؟
مثلا سمعت ان ميونخ احلى شي فالشوبنق…. بغيت اتاكد اذا نفس المحلات موجوده بكل هالاماكن؟ ولا محلات غير
مثل الكوفهوف له فرع في ميونخ و كولون؟
و بغيت اتاكد وين هو شارع المارينا بلاتز في ميونخ قريب من اي فندق؟
و وين بالضبط تقع اسواق كولون؟ عند اي فندق
و مشكورين فديتكم
أولا الكهفوف موول ما يسوى ما فيه شي حلو
بس شارع الملوك وايد نايس
و بالنسبة لدسلدورف و كولون سسمعت انه هالمنطقتين اغلى شي .. و الله اعلم ..
بس الحين عندهم سيل انا اتحضرت لعرسي من هناك .. كل الماركات عليها خصومات حلوة ..
و لو عندج اي سوال انا حاضرة ..
الله يوفقج يارب 
وموجود عندهم في كل منطقه ومدينة
ميونيخ سوقها حلو فيها كل شي وحتى مطاعم حق العرب ودكاكين
كولون السوق يبدا من عند الكنيسه العوده الي مشهوره فيها كولون ،، وماركات ما فيها وايد الا LV – lacoste – aigner – chopard – bvlgari
وفي محل مثل دائرة من الزجاج في ثياب ماركات حق الكبار والصغار بس مب كل الماركات وعندهم المحلات الباقية مثل H&M – douglas
دوقلس محل مكياج وعطور وموجود في كل مكان عندهم
شي سوبرماركت او ما عرف شو بالضبط اقدر اسميلج اياه اسمه DM يبيعون كريمات وكله اغراض مب أكل وقسم حق الأشيا الميني حق السفر مثلا ميني معجون – كريم – شامبو وهالأشيا وايد حلوو
سوق دسلدورف احلى بوايد عن كولون فيه هالمحلات الي ذكرتهم وفيه الماركات وكل شي
ميونيخ فيها محلات اكثر بس للاسف يا ماتحصلين القياس الي تبينة او الديزاين كل شي يكون مخلص لان اكثر العرب يتسقون في ميونخ
لكن دوسلدورف وايد اهدى وفيها محلات وايد في شاررع الملوك
اذا انتي تفكرين تروحين في الصيف انا اقولج دوسلدورف احلى لكن اذا تفكرين تروحين في اي وقت غير الصيف بقولج ميونيخ احسن