استفسار أشعة الانابيب لحياة صحية

السلام عليكم خواتي ..

بغيت اتخبر للي عندهم خبره ف هالموضوع .. الدكتوره طلبت مني اسوي اشعة انابيب يعني ع قناوات فالوب ..

ياريت اللي سوتها اتخبرني هل هي اتعور ؟؟

جم اتكلف ؟؟

انا حملت قبل بس طيحت فهل يمكن ايكون عندي انسداد لاسمح الله ؟؟

مرحبا اختي انا سويت الصوره تقريباّ من سنه وكانت في الشارجه وسعرها 400 درهم طبعاّقبل سنه الحين مادري كم مع زياده الاسعار يمكن 10000 ههههه بس الصراحه عوارها يعني ممممم شويه تحسين في الم بس شو نسوي لازم نستحمل والصوره ماتخذ وقت وايد تقريبا 3ـــ 4 دقايق توكلي على الله وسويها وخلي ايمانج بالله قوي لاتفكرين بشي .

مشكوره ام مياار طمنتيني كنت اتريا لو نص رد من الخوات .. مشكووره وايد ويزاج الله الف خير

انا بعد سويتها مافي شي يخلو من الالم بس توكلي على الله ..والله يفرج علينا ونرتاح من هل عيادات .

تسلمين قمه الله يطمنج

الله يرزقج الحمل عاجلا غير اجلا يارب
ويرزقج بالذرية الصالحة المعافاة ياااااااا رب

امين يارب ..

مشكوره ع الدعوه الطيبه