خوآتي بغيت استفسر عن صابونة الكبرييت ..
حبيت اعرف من وين اقدر احصلها ..
وكيف شكلهآ ؟ ووين مصنوعه ؟
{ لاني قريت فالنت مانها صنوعه بفرنسا .. وبعضهم يقولون الفلبين .. وبعضهم يقولون امريكا }
ما ادري اي وحده فيهم آخذ ، واي وحده فيهم الاحسن ومتوافره عندنآ
وياريت اللي مجربنها يخبرني عن معفولها وكيف تأثيرها على البشره .. ؟
وهيه تقشر الويهه ولاا ؟ا
امم وبعد بغيت استفسر عن صابونة الببايا .. " حاليا استخدمها "
زينه ولاا ؟
وشو مفعولها وكيف تأثيرها على البشره ؟
و بعد بغيت استفسر عن كريم [ Eldoquin Forte 4% ]
وين اقدر احصله ؟ وكم سعره ؟
وشو سلبياته وايجابيته ؟
وتنصحوني اخلط وياه شي ؟
وكم مره استخدمه فاليوم وشو تأثيره على البشره ؟
ومع العلم ( بشرتي دهنيه ، وفيها حب الشباب ، واعاني من اثار الحبوب )
" واتعامل مع صالون ، آخذ عندهم كورس حق الاثار "
يارييت اللي مجرب اي من المنتجات اللي ذكريتها يفييدني ..
لا تبخلون عليي 
ويزآاكم الله خييير ..
صابونه الكبرييت من الصيدليه
البابايا زينه
الدوكين استخدمه ويارتن ولليوم ما شفت نتيجه عدله
وين اقدر احصله ؟ وكم سعره ؟موجود فالصيدليه غناتي وسعره امممم اظن 15 درهم او شي وعشرين
وشو سلبياته وايجابيته ؟لازم ماتظهرين فالشمس ولا بيعطيج نتيجه عكسيه اذا حطيتيه ويفضل ينحط فالليل قبل النوم والاضاءه تكون خافته
اذا ظهرتي فالشمس حطي وااقي قبل ماتظهرين بفتره مب قبل الظهر بكم دقيقه
وتنصحوني اخلط وياه شي ؟لا فديتج هو بروووحه قوي هب زين
وكم مره استخدمه فاليوم وشو تأثيره على البشره ؟ الغلا ظني يطلع قشور عالبشره ويستعمل مره بس
قبل النووم واتحملي تستمعلينه اكثر عن شهر مب زين
اما عن صابونة الكبريت مادري غلايه
استعملي صابونة acne aid عن تجربه وايد حلووه بس يبالها استمراريه حوالي 3 شهور او حسب حالتج
انا من كم شهر استعملها وخففتلي الاثار بظهري بشكل كبيير
وبحطي لي موضوع قريته امسات وإن شاء الله يفيدج يالغلا
وفيه الدوكين فور ^^ دقايق بس
طبعاً بشرتي مختلطه وفيها اثار خفيفه على الخدين لونها افتح من البني بس كانت تبين للأسف ….والحين الحمدلله فررررررررررررررق بعد ماراحوا واهم شئ النفسيه تغيرت للأحسن يعني بنات بليييييييييز للتنويه البرنامج لعلاج آثار الحبوب واللي ويهها فيه حبوب لازم تعالجها قبل والشئ الثانيه اللي بشرتها حساسه بليز لاتجازف وتجرب ماادري يناسبها او لا تروح الصيدليه علأقل وتسأل
اول شئ سويته كان لابد اني اقشر بشرتي عشان تتقبل العلاج …ماحبيت يكون تقشير قوي ويجفف ويهي ويأذيني اذا فكرت اطلع واحط ميك اب فأخترت كريم benzac ac 5%
ممتــــــــــاز يقشر شئ بسييييييييييط ماتحسين فيه لاجفاف ولاقشور ولا شئ بس لما تحطين مرطب على ويهج وعقبها تمسحين على بشرتج تلقين نفس القشور بيدج بس اول يومين كان يحرقني عقب عآآآآآآآدي مايأثر
على فكرة الكريم في منه اكثر من تركيز في 2.5% وفي 10%
الخطوة الثانيه من بعد المقشر ب 5 ايام لما شفت بشرتي متجاوبه وقاعده شوي شوي تتقشر حطيت كريم الدوكين فورت 4%
هالكريم سحــــــــــــــــر والله فظيع الكريم يحتوي على مادة هيدرو كينون وهي مادة تفتح الجلد وخاصه تفتح الأسمرار الناتج عنه الأشعة الفوق بنفسجيه يعني مثلاً البشره سمرت درجتين عن لونها الطبيعي من الشمس وانتي عالجتيها بالهيدروكينون راح تفتح درجتين فقط وترجع للونها الطبيعي بس اهو مو كريم تبييض اتمنى تكون وضحت الفكره
– يزيل النمش
– يزيل البقع الناتجه عن حب الشباب
– يزيل الأسمرار حول الفم الناتج عن استخدام حبوب منع الحمل
بس المهم ان هالكريم لازم تحطينه بالليل ويفضل حتى الأضاءه تكون خافته والصبح لااااااتطلعين بالشمس قبل لاتغسلين ويهج وتحطين الواقي ….لأن يتفاعل بالشمس ويسمر ديروا بالكم حطيه بالليل والصبح غسليه
الخطوة الثالثه طبعاً البشره بهالفتره تحتاج فترة راحه انا كنت احط بالليل طبقه من كريم ميبو المعروف بإنه يزيل آثار الحروق …
.لما جربته كنت احطه على كل الويه حتى حوالين العين لأن مامنه ضرر وهو عباره عن زيت السمسم و اعشاب وشمع العسل
ومن فوايده :
– توفير أقصى ترطيب فسيولوجي ضروري لتجديد والتئام الأنسجة
– تقليل فقدان السوائل من الجلد التالف (الحروق ).
– امتصاص الحرارة الكامنة في منطقة الحرق .
– تعجيل وتسهيل بناء النسيج الطلائي للجلد مع المحافظة على مظهر تجميلي مقبول
بصراحه انصح اللي تستخدم اي نوع تقشير انها تستخدم ميبو كمرطب وحتى بعد جلسات الليزر
والعجيب بميبو انه خفف اثار الحبوب البنيه بشكل كبيـــــــــــــر ومن 3 ايام استعمال بتحسين بفرق المهم انج اذا قاعده عالنت او التلفزيون وماعندج شئ رفعي شعرج اباند وحطيه لو يقعد على ويهج لي قبل النوم عآآآآآآآآآآآآدي
والخطوة الرابعه سويت التونيك وهو عباره عن اسكينول اي نوع انا جربت الليمون والبابايا بس ممكن تحطين كلاسيك او خيار براحتج وحطيت عليه 10 حبات اسبرين ….ليش الأسبرين …!!!!!
+
لأن من خصائص الأسبرين انه مضادة للالتهابات والتخلص من خلايا البشرة الميتة ويحتوي على حمض salicylic acid الذي يساعد في تقشير الوجه أى يعالج البقع ويوحد لون البشرة ويعالج مشاكلها لاحتواء الأسبرين على أحماضbeta-hydroxy التى تساعد على التقشير وتنقية المسام.
وآخر شئ الصابونه acne aid
ه طبعاً هالصابونه عجيييييييييييييبه لأن للحبوب تنشفها وتخليها نفس القشور والأهم ماتخلي الحبه تترك اثر بعد ماتتقشر يعني مايصير مكانها بني وانا اشوفها ضروووووووووريه لأن احتمال كبير بأول اسبوعين من التقشير حتى لو ماكنتي تعانين من الحبوب مع التقشير راح تطلع الدهون اللي تحت البشرة على شكل حبوب واغلب الناس يوقفون علاج بهالفتره مع ان انا اشوفها شئ صحي وبعد ماتطلع هالدهون البشرة بتصير خيآآآآآآآآآآآآآآليه…فلاتحاتين اذا طلعت حبوب مع التقشير استخدمي الصابونه ولاتوقفين العلاج…
وطبعاً دعم للبرنامج ودعم لبشرتج بهالمرحله يفضل لو تنتقين نوع الأكل وتكثيرين فواكه وخضار وعصير فرش مع فيتامينات او مكملات حسب حاجه جسمج وبشرتج لأن التغذيه الداخليه نص العلاج…
ونصيحه شربوا الشاي الأخضر لأن رووووووووووووعه وبعد ماتخلصين من الليبتون مرريه على بشرتج لأن ممتاز للبشره ويحتوي على مضادات اكسده …ومطهر
الموضوووع منقول من كويتيات stylist
وان شاء الله اكون افدتج غلاي ^^
мόjяd έ7śąs : مشكوره الغاليه على الموضوع استفدت وايد ..
واتمنى اجوف ردود زيآده ..
مآتقصروون