مرحبا بنات عندي بنتي كانت تدرس في مدرسه خاصه نظام أمريكي Inter national school خأـارج الدوله فحبيت أستفسر عندكم أريد نفس المستوى طبعا مع اللغه العربيه والدين شووووو تنصحووني شو أفضل المدارس الخاصه وأريد مستواها بالإنجليزي ماينزل لأني تعبت وياها وكان كل مدرساتها أجانب والأكسنت مالها حلو شو الحل لأني محتاره وأريد نصيحتكم بليييييييييييييييييز:
انا انصحج بـ مدرسة الشويفات الدولية وايد اوكي نص عيالنا نحن هناك ووايد تدريسهم اوكي
الشويفات وايد أوكي مثل ما ذكرت الأخت عيون بدويه وعندج دبي الوطنيه
عليج بالشويفات دام اللغة اوكي عندها
حبيبتي روحي مدرسة الإتحاد مافي احسن منها في فرع في جميرة وفي فالممزر بس لا تروحين الشويفات لأن الشويفات تضغط وايد وايد ناس يطلعون منها اولادهم الحين وايد بتتعبين و هناك وايد مصاخة وهالسوالف انصحج في مدرسة الإتحان اذا درستي هناك بترمسين مثل الإنجليز بالضبط وانا كنت هناك بس انقلت لظروف منزلية وفي مدرسة ثانية اسمها الشارقة الأمريكية في الورقاء جريب مردف وايد زينة الحين انا ادرس فيها بس انصج لا تروحين شويفات
مشكووورين وماقصرتو الغاليات بس أنا أسكن في بوظبي دار الظبي وجريب ع مدرسة النهضه للبنات شو رايكم فيها
سلام عليج اختي
اذا النهظه فرع للي في العين فيمدحونها, لكن انا انصح بالشويفات ممتازه و قويه جدا في التأسيس و اللغه. و فيه فرعين لها في ابو ظبي. روحي شوفيها و ان شاءالله خير يارب.
اذا النهظه فرع للي في العين فيمدحونها, لكن انا انصح بالشويفات ممتازه و قويه جدا في التأسيس و اللغه. و فيه فرعين لها في ابو ظبي. روحي شوفيها و ان شاءالله خير يارب.