اسبوع في ماليزيا تعليم الامارات

مرحبا
انا سايرة اسبوع لماليزيا، وأبا مساعدتكم،، أنا سرتها قبل بس من زمان وكنت وقتها مريضة ما اذكر شي،،
أولا أبا نصايح كوني حامل في الخامس،،
ثانيا أنا بقعد اسبوع،، في كوالامبور وجنتنج،، فوين تنصحوني أسير،، أبا مناظر حلوة وأبا شوبنج ،،
ثالثا وين يبيعون الفواكه المقطة
رابعا،، أبغي المراكز أو الأماكن اللي يبيعون فيها أشيا مب متوفرة عدنا وفي نفس الوقت أسعارها زينة،،

ان شاله ما اكون طولت عليكم

عندج في كوالالمبور ميجامول و عندج تامزسكويرو عندج السوق الصيني
و انصحج بجزيرة لنكاوي …فيها التلفريك فيها الرحلات البحرية ..و الشلالات… و الخ
و الفواكة المقطعة بتلقينها فاي مكان….

مشكورة عالرد

زين يالله زبعد منو بيفيدني أكثر

طمنيني عاد عالاجواء الي عندهم لاني بسافر شهر 6 واترياج
وتروحين وتردين بسلامة

سيري في كوالالمبور شارع العرب
وزين لو سكنتوا بالفنادق اللي بنفس الشارع
وخاصة انج حامل بترتاحين
وبتلاقين كل اللي خاطرج فيه
وجنتج بعد وايد حلوه
وطبعا الفندق بنفس مكان المول

وسفره موفقه

هلا اختي
عن الاسواق عندج في شارع العرب فيه كي ال ال بلازا في اوت لت داخل وعند لوت 10 وسنجي ونج وبيبي بلازا متلاصقين وتايمز سكوير و سوقو و السوق الصيني
وجنتج سيرلها يومين لو حابه اذا عندج اطفال حق الالعاب وسيري في يوم ما فيه مطر لانه بتسكر الحديقه لو مطر

والفواكه المقطعه في حي العرب بس ما بتكون وايد كثر تايلند في كل بقعه يعني في اماكن قليله