اليوم بشارك بموضوع عن فنادق دبي …………….
طبعا دبي غنية عن التعريف بفنادقها الراقية ……..والفخامة المميز بها منتجعاتها وخدماتها ذات المستوى العالي
احب اعرف رايكم عن ارقى الفنادق اللي زرتوها بدبي …………..واحلى فندق برايكم من حيث الخدمات فيه المتوفرة والمنظر العام وديكور الغرف ومدى الراحة الي يوفرها لكم
بالنسبة لي انا زرت فنادق كثيرة بدبي بس للحين اللي احتل المرتبة الاولى عندي رغم انه عند البعض مستوى عادي
هو فندق ابراج الامارات ……… يمكن لاني احس به فندق متكامل من حيث الخدمة والاستجمام
ولانه فيه مركز بوليفارد اللي فيه العديد من المحلات التجارية الراقية
وبعد خدمة الفندق ممتازة وخدمة الغرف مررررررررررررة حلوة اقصد الطعام لذيذ وما عليه اي كلام
وهذا ما احصله بكل الفنادق ( اقصد الطعام الجيد)
يالا خلونا نسمع رايكم عن فنادق دبي وهذي فرصة لتنشيط السياحة واعطاء فكرة لربعنا في مجلس التعاون
ودمتم بود
فندق ريتز كالتون حلو وخدماتهم اوكي – مينا السلام كشخة وخصوصا القعدة عالبلكونه
فندق جراند حياة حلو وفندق شانغريلا
فندق كمبنسكي اوكي والحلو فيه انه لاصق في مول الامارات
مينا السلام
باب الشمس
القصر
وبرج العرب
المشاركة الأصلية كتبت بواسطة ام مريوومه 
مينا السلام
باب الشمس
القصر
وبرج العرب
ممكن اتسولفين لي عن باب الشمس اشلون صاير
بس انا من اللي سمعته وشفته بالتلفزيون باب الشمس
منتجع صحراوي
يتمتع بفخامة الاثاث التقليدي والجو التراثي القديم
هو حلو للسواح الاجانب اكثر عن العرب
لان الانشطة اللي هناك اغلبيتها جريئة مثل التمتع بامسيات الشوي بالهواء الطلق والفرق الراقصة
التزحلق بالرمل وركوب العراقيب
بس لو تحبين الهدوووووووووء والاستمتاع بيوم او يومين داخل الجناح او الغرفة مافيها شي سيري وجربيه
بس لو تبين نصيحتي خليها على الشتاء
بس لو حابة الحين لا يفوتج منتجع الجميرا
هذا انا اضمنه سرته وقضيت يومين ولا في الاحلام
منتجع كاااااااااامل مافي داعي تطلعين بره
حتى فيه سوق
انا سكنت بفندق دار المصيف عبارة عن غرفة داخل فلة عووووووودة
فلة مفتوحة طبعا
وااااااايد حلوة توصلين الغرف عن طريق القوارب
وبالليل ممكن تسيرين على الشاطئ الي مخصص بس للمقيمين بالفندق
الشاطئ وايد حلو ومطل على برج العرب
وانصحج بزيارة المطعم بس نسيت اسمه مبني بنص البحر مقابل برج العرب روووووووووووووووووووووووووووعة
وهو مخصص للاكل البحري
الغرف خيال طابع عربي قديم
اتحصلين الفاكس والتلفون داخل مندوس وكل الاثاث خشب مشغول
فيه شرفة ممكن تتناولن الطعام فيها لانه يوجد داخلها كراسي وطاولة
الغرفة كبيرة ومريحة
يضيفونج اول ما تدخلين سلة فواكهة وعلبة تمر وعلبة شوكولا فاخر
وتتعبا يوميا بعد ترتيب الغرفة
كل وساءل الراحة بالمنتجع
السوق او البازار مثل ما يسمونه عجيب فيه افخم المحلات مثل داماس بن هندي ايناس مالكثير غير كشكات الاكسسوارات والعطور والتحف الايرانية والهندية المشغولة يدويا
على الشاطئ اتحصلين جلسات ارضية عبارة عن مقاهي للشيشة ومقاهي للقهوة بس اتسكر على 12
بس المطاعم اتذكر لين 4 الفجر
ورحلة موفقة ان شاء الله