هذي اول مرة اكتب هنيه بس كنت اقرى مواضيعكم المميزة
بصراحة ما اعرف شو اقول
انا اعاني من الوزن الزائد و الكل ينصحني ان اضعف بس انا ما اقدر اقلل ااكل كل تفكيري في الأكل تلاقوني طول اليوم اكل من اول ما اوعي لين ما ارقد كل شيء اكله يوم اتريق افكر على طول بالغدا و يوم اتغدى افكر شو باكل العصر و المغرب و العشا حين ان وزني زاد في الاجازة جمس كيلو زايدة و الحين وزني 120 كيلو
وااايد اكره عمري و افكر وايد ما ادري شو اسوي بنفسي يوم اروح مكان استحي من شكلي لأني بعد قصيرة وايد وزوجي يبي يتزوج علي كل هذا بسبب وزني ما ادري شو اسوي
طول الوقت جدام التلفزيون و اكل ، مرات افكر اسوي رجيم بس اسوي يومين رجيم او ثلاث ايام و ارد اكل في اليوم الرابع اونه بريك و بعدين اتم طول الشهر من دون رجيم، و عندي بنيه طول اليوم اتم وياها ما احصل وقت اسوي رياضة ، يوم اكلها اتم اكل وياها، احسني ما اقدر اسوي شي كل الوقت اتم العب وياها بس يوم ترقد اسوي بعض الأشياء اللي في خاطري
خاطربس ان اطلع من 100 كيلو ، مرات اسوي رجيم و اوصل بس 115 و احس لازم اول لهذا الرقم بعده ارتاح و يزيد وزني زيادة ما اعرف شو اسوي بحياتي ساعدوني
ريلي يقولي يا الفيلة انتي مثل الجبل ، انتي شاحنة ، انتي اذا طحتي تزلزلين الارض ، اذا تزوجت وحدة ضعيفة و ضربتيها بتقتليها ، انتي ما تنفعين تربين هذي البنت لأن فيج كرشة كبيرة ما تقدرين تشلينا فوق و مثل هذا الكلام
دخيلكن ساعدوني لا تطنشوني شركوني باي قروب ان شاء الله بكون وياكم كل يوم
بس ابي حد يساعدني و يشجعني
انا احب وايد اكل فليل ههههه
قللي الاكل بالتدريج
يعني اذا تاكلين صحنين كلي صحن ونص لين تتعودين كلي صحن واحد و بعدين نص
لين تقل كمية اكلج بالتدريج و حاولي تركزين عالسلطه
و شرب الماي بكثره لان الماي تساعد على حرق السعرات بالجسم
لا تحرمين نفسج من شي بس قللي الكميه بالتدريج لين جسمج يتعود
و ما انصحج تدورين على الريجيم اللي تنزلين فيه بسرعه لان بتردين بسرعه و وزنج بيزيد اكثر عن اول
الغلا ممكن اوفرلج سيديات تعليم رياضة الرقص الشرقي و الخليجي
و الايروبكس و الايروبكس دانس
و حتى رياضه الخاصه بالحوامل ممكن اوفرها اذا حابه كلميني عالخاص
شي بنات خذو من عندي و الحمد لله كلهم يدعون لي
ان شاء الله بيتحسن جسمج و بتردن احسن عن اول
انا مشيت عالرقص و استوالي خصر بعد ما كنت اعاني من الكرشه
ان شاء الله مع الرياضه جسمج بيتحسن
و كل شي بالعزيمه و الاصرار بتحقق
عزيزتي لابد من العزيمه و الاصرار و الدافع داخلج لازم يكون قوي