اذا كنتي ترظين؟؟ عيل براحتج.. المومة و الطفل

بسم الله الرحمن الرحيم

اول شي السلام عليكم خواتي

شخباركم؟؟ :22 (6):

بصراحه موضوع في بالي ودووووووم اتكلم عنه وقلت لازم اطرحه! واتمنى ان الكل يتفهم

في بنات وحريم في المدونة ما يترددون انهم يقولون كللللللل صغيره وكبيره عن حياتهم الخاصه لاي وحده!! خصوصياتهم الزوجيه منشورة علنا! شو الشي اللي يظمّنج انه العضوة اللي كاتبه الموضوع مب ولد؟؟؟ شو اللي يظمنج انه مب ريال :1 (77): ويبا يسحب منكم الكلام ويستانس ويتفرج؟

اصصصلا بديهيا هالمدونة معرووووف عنه مدونة حريم يعني 10000% الشباب يدخلونه! ويقرون ويخبرون بعض والله اليوم قريت وحده معرسه جيه كاتبه ..ولا يا فلان تعال براويك مكان خطير فيه بلاوي !!

هلل تتوقعين نفسج انج تتمشين في مركز ولا سوق وتسيرين تزخين اي وحده في دربج وتقوليلها تعالي ترا انا (عفوا) يوم ارقد البس جيه وياااما اشيا اكبر عن جيه البنات يكتبونها بكل جراءه!! ترا نفس الشي! الحريم اللي في المدونة مهما ربطت بينكم علاقات صداقه والخ بعد هم غرب! انا عن نفسي الصراحه ما اتخيل اقول هالكلام الخصوصي حق حد من اهلي فكيف بقوله حق ناس غرب! ماعرف اذا كانو حريم ولا رياييل!!

وتتوقعين ريلج لو درى شو بيقول؟؟ اتحدى اي وحده نشرت معلومات واااااااااااايد (خصوصيه) عالمدونة انها تسير وتقول حق ريلها بس حبيت اخبرك اني امس يوم لبستلك كذا وكذا سرت وخبرت كل الخلق! حتى في حق نفسج ترظينها!؟؟ حتى اصلا خلااص الشغله تفقد قيمتها وطعمها وغلاها ! بعد ما سويتيها لريلج جنج سويتيها للناس كلهم بعد!

ها الكلام كان فخاطري ولولا معزتكم ولولا اني ادري انه شي بنات وحريم هني على نياتهم جان ما قلته:22 (14):

واسمحولي جان طولت عليكم

وابا اعرف شو رايكم .. كلامي صح ولا لا يا بنات؟!

اول شي السلام عليج ….

ممممممممم .. كلامج صدق ترا …. وايد جي يرمسون بشفافية .. كنه الوحده ترمس مع اختها او صديقتها المقربه …… و هالشي اكيد غلط لنه اكيد في رياييل وايد يدشون ….. (( على فكره ما تطلع المواضيع الا للأعضاء)) لكن يقدرون يسجلون …

بس البنات حليلهن ساعات يوم يقولون هالخصوصيات يقولونها من باب تبادل الخبرات … يعلمون البنات الي مايعرفن … فا انا اخذ الموضوع انه تلقائيه منها او حب للخير لاختها ..

و انتي زين انج نبهتينا لها النقطه لأنها يمكن تكون غايبه عن اذهان الكثيرات ..

جزاج الله خير حبيبتي و جمعة مباركة

رايك اكيد صح يس جمال هالمنتدى وروعته في شفافيته وصدق واريحيه اعضائه وكثير مشاكل تواجهني في حياتي الخاصه والعامه لقيت حلها عندكم واستفدت منها ودليت صديقاتي على المنتدى عشان يستفيدون منها بعد وحسيت معكم كأني في عالم مثالي بيت كبير كل واحد يحب الثاني فيه ويتمنى له الخير من كل قلبه وين تلاقين هالمشاعر بالحياه الواقعيه مثلا امس كان عندي مشكله وكنت فعلا محتاجه احد اشاركه همي وافتح له قلبي وماابي اقولها لزوجي او امي ابي حد من عمري ونفس ضروفي يشاركني فيها بس للاسف ماعرفت اشلون اسوي مشاركه جديده مو رد على موضوع عموما اختي كل شي في هذه الحياه له ضريبه وعلى كل عضوه تحمل نيجه قرار ها المهم علميني شلون اضيف موضوع جديد وانا راح اكون مع الاعضاء الصريحين لانه مالي الا انتم بعد الله سبحانه ويعطيك العافيه على حرصك

انا معش في بعض الطرح انه مايكون خاص يعني الوحده تسترسل ايش بالضبط سوت وووووووو

بس من ناحية تبادل الخبرات والاهموم الاجتماعيه انا مع هذا الطرح 1000%(نقلتها منج)

لان الوحده توخذ راحتهاوتقول الي في خاطرها بدل ماتقول لحد من المعارف وبدل مايساعدها يروح وينشر مشكلتها وهذا يصير مع كثير من الحريم ……. خص نص الحرمه الي ماعندها احد تثق فيه

مادري بس كل شيء له حدوده تخيلي باجر ريلج يقول لج شو نكنيم مالج بالمنتدى ودخله ودخل ملفج وشاف مواضيعج احس بتستوي مشاكل مالها داعي بس للامانه احيانا فيه اشياء ماقدر اقولها لاي حد لاهلي ولا ربعي فالجا هنيه لخواتيه يساعدوني في حلها وفي معرفة الامور واذا عن كونه ريال اللي داخل باسم بنت فهذا مب بيدنا كل واحد وضميره

مشكووره ختيه موضوعج حساس وحلو

mmmm ana b9ara7ah 7abet almuntada lanah 7aset enh mawa’6e3ah o albanat illy yktbo0n feh ma5then ra7athum >>> o estfadt mnhum o mn shafafyathum wayed ,, fe 3elagty ma3a rayli o mn 5brathum ,, o alli yd5al besem rayal huh o ‘6amerah o fe alnhayah trah ma y3arf a9lan mno hay albnt eli katbah 3an 3emrha its just anickname ?? o ma3a hatha ana ma aktb 5e9o09yaaaat aktb ashya 3amah