اليوم راح اعرض لكم كتاب ساعدني واااااايد في تدريس الـ Phonics
وهذا هو الكتاب ..
وفيه طريقة تدريس الحروف بالأصوات .. وبعرض لكم بس أول حرف اللي هو الــ a
كيف اليهال بيثبتون حرف الــ a طبعا مثل ما قلنا مب ايه .. نقول آ ..
كلمة ant تبدأ بالحرف a .. نقول حرف الـ a وتكون صورة النملة موجودة معاكم و تعلمون الأطفال يسوون حركة تدل على كلمة النملة .. اتيبون ايدكم اليمنى و تشمون اصابعكم على اليد اليسرى كأن نملة تمشي على ايدكم و تقولون a – a – a – a فاليهال بهاي الطريقة بيثبتون الحرف و بيربطون الحركة بالصوت و الكلمة..
شوفوا هذي الـ worksheet من هذا الكتاب لحرف a
وفي طرف الورقة شوفوا الحركة اللي يتعلمها الطفل على حرف الـ a
اللي تبا تشتري هالكتاب تدوره في المكاتب اللي تبيع كتب تعليمية .. مثل مكتبة مجرودي
وهذا رقم الكتاب : ISBN#1- 870946- 07 – 3
وطبعا هالكتاب فيه كل الأحرف .. بس انا حطيت حرف واحد كمثال ..
ان شاء الله استفدتوا وماوصيكم .. ادعوا لي بالذرية الصالحة 
وحتى في باوربوينت معاه اغنيه وايد حلوه بحطها لكم بعدين
شسم هالمجموعه فديتج؟
وان شاء الله نتريا ابداعاتج ومشاركاتج
بالنسبة لبنات راك اللي سألوني عن هذا الكتاب تقدرون تاخدون رقم الكتاب و توصون مكتبة دبي للتوزيع يوفروا لكم اياه .. أو مكتبة اشبيلية اللي في المنار .. اللي مجابلة كارفور .. لأن وايد بنات طلبوا عني الكتاب .. والصراحة مادري منو اعطي … والسموحة
the best and the easiest for any teacher to use…
G’luck and way you go "fawa7a"
المشاركة الأصلية كتبت بواسطة Ms.CoOL 
the best and the easiest for any teacher to use…
G’luck and way you go "fawa7a"
Thanks my dear
أنا كنت أدرس Grade 1 بس منهج مدارس الغد ، وفيه أفكار وااااااااااااايد وشبيهه بأفكارج
حاليا انتقلت مدرسة اعدادية فبحطيلكم أفكار الألعاب وكيفية تدريس ال phonics في مدارس الغد