خواتي الغاليات امس 30/11/07 زرنا القرية التراثيه الي امسويينها ادنوك ومجموعة شركاتها عالكورنيش.
الترحيب من الاستقبال من موظفين الامن اشكرهم صراحة و كان امس يوم عائلات مافي شباب القريه تراثيه و حديثة في نفس الوقت بتحصلون هناك كل شي مجانا الحنايات و الحريم الي يسون القيمات و البثيثة و خبز الرقاق صنع ايدي اماراتيه 100% .
بعد يايبين ميكي ماوس و المهرج ويوزعون البالونات لليهال. بعدالحلوى و القهوة المسواية عالحطب ياسلام و الله الطعم غير.
امعرض الصور يعرض صور خاصة للمقتنينها للمرحوم الشيخ زايد غفر الله له و صور تاثية
نحن يلسنا في خيمة الحريم لان في خيمه للريايل. ويابولنا سندويشات جبن و تونا و مرتديلا و … وايد ماشالله يزاهم الله خير . وشربونا عصير برتقال ومانجا طازج و الله. ويابولنا ماي غراش صغيره و قلاصات.
ابيعون بعض الاشيا التراتثية شغل مواطنات من تلي واثواب مطرزه وغيره
وهناك لليهال بتشوفون يايبين جمل و خرفان وغنم و حصان يصورون وياها ويركبون عليها.
المسرح الجخة الي امسوينه و يايبين مذيع يحطون بالرادو و الي يجاوب علاسئله له جوايز. وحاطين شاشه عرض عن تطور البترول و الشركات.
وتقدرون اتصلون في الغرف التراثيه داخل و الريايل يصلون جماعه مع الرزيفه او داخل الخيمه بس اتوضوا قبل لا اتروحون
بعد يايبين الي يرسم عويه الاطفال .
وبتشوفون بيت البحر و بيت العين و بيت الطين
اترككم مع الصور
رحمك الله وغفر لك يابونا الغالي
المرأة الاماراتيه سابقا جنبا الى جنب الرجال بدون مزاحمة تاجرة تبيع السمك
قولوا الحمدلله عالنعمه. شوفوا الهندي كيف لابس الفقر و الحاجة
هذه شغل الحريم
وهاي الجحفة من فوق المسرح عيبتني
هاي صوره الشاشه الي تعرض عن البترول وتاريخ الامارات
صور خلفيه لمجمه خليفة للطاقه
وهاي ادما العامله وادجاز
القرية بتخلص 17/12/07 ان شالله
[/CENTER]وبكمل باجي الصور بعدين
بس تعالي منو الي في الصوره انتي
الريايل الي يرزفون وايغنون
وهني ايسوون القهوة عالحطب ويحرون الطبول و الطيران
من قريب
شجره عيتني من الليتات عند ادما
هاي صورة الرزيفه مب رياييل ابروحهم لانه يوم عايلات
وهاي صورة المذيع نسيت اسمة كان يحطونه بالرادو
المشاركة الأصلية كتبت بواسطة دانة الصحراء 
بس تعالي منو الي في الصوره انتي
هيه الغاليه
حبيبتي وين ع الكورنيش قريب المارينا مول ؟؟