انا طالبه جامعيه متزوجه وعندي اطفال واعيش فبيت بروحي واداوم بسيارتي الخاصه الفخمه اللي من ريلي
وعمري 23
وكل شي حلو فحياتي عقب الله الرازق هو زوجي
من سفر وكشتات وغيره..
انا واااااااااايد ادلع زوجي وهو مستانس علي .
متزوجه من سبع سنين
المشكله انه جم مره اشوفه يرمس
وكل مره يحلف انه مايعرفها
وكم مره اشوف عنده صور وبعد يحلف انهن حق ربيعت ربيعه وطبعا كذب
واسامح وانسى نهائيا ولاجني انجرحت
واكمل حياتي معه بكل حماس
ومن سنتين ماخذ بلاك بيري ومشترك وكل مااقوله ابغي شراتك يقوللي لا ماانصحج مابتدرسين وغيره..
وخلال هالفتره كله تلفونه ع الصامت ومقفول..ووايد احس انه عنده شي بس ما اعرف المهم مريحه البال ومطمنه.
وخلال هالفتره نادرا ما يطلعني يعني مره كل ثلاث شهور
وكله يتعذر بالديون
وكل 8 شهور يبدل وياخذ افخم سياره وغير تلفوناته زادن لين خمس
وعن نفسه مريح عمره وانا كله اجمع مصروفي عشان امشي اموري من لبس ومصاريف بيت وغيره عسب انه اللي ع لسانه قدري انا ماعندي شي
ودوم يحط رصيد بالاف والالفين وانا ساكته
حاولت ارمسه بس يتضايج
وقام يكره يتحاور معي
واذا طلع من البيت عادي مايرد يومين وثلاث
المهم كنت اشل فخاطري واسكت وادعي من الله يرجعه لي ولعيالي
لين فيوم دق علي وقالي ابااج فموضوع مهم خلي كل شي وسيري غرفة النوم
وانا مستانسه طرت ع الغرفه وودرت اليهال وكل شي
وقالي أنا بتزوج
بتزوج عليج
باخذ وحده غير
انصدمت ماعرفت شو اقول
لاني احبه موووت
قلت سكر وبفكر وبرد عليك
وعقب ساعتين تقريبا ناموا اليهال وانا مصدومه
دخل علي البيت وقالي انامابمسج لين اخذ الثانية
قلتله مابغي شي غير تخليني انا وعيالي نعيش بسلام الله معك
قالي لا ابغيج تسيري تخطبينها وي امي
قلت امك تدري قالي كلهم يدرون
قلت اسفه مابسير
خلني دخيلك
قالي بخليج بس تراج بتباركين وبتحظرين العرس
انامصدومه ويقولي عرس
المهم الايام اللي يت عقب انه اهله حاولوا يقنعوني
وانا مادخلت اهلي خير شر
وبس اصلي وادعي
واللي يبغي ياخذها اكبر عني باربع سنين وما تشتغل ومخلصه جامعتها
وعرفت انه كان دوم يطرش حها هدايا وغيره
وهي موافقه
والكل موافق وضدي
وعقب مرور 3 اسابع من التفكير والالم وانا فبيتي و عموقفي
ماعرافه شو اسوي
وريلي ما ايي البيت
محتاره ومصدومه وخايفه الله العالم بحالي
ومابغي اهلي يدخلوا لاني احس غلط حد يدخل فحياتنا
ووايد اسمع عبارات تجريح هالايام منه ومن اهله
مع العلم انه قبل هالموضوع مايصير كانوا يحبوني وفحياتنا ماصارت من بينا مشاكل
وحتى الحين صح الرمسه تجرح بس تييني بهدوء واسلوب
بس فالنهايه الرمسه تجرح ويسد موقف شريك حياتي
و يصبرج على مصيبتج
يبالج وقت لين ما تتعودين ع الوضع
ليش ما قعدتي وياه وقلتي شو سبب اللي يخليك تزوج علي اكيد في سبب
قولي له انا مقصره بحقك قولي واطالعي شو بيقول
لي عودة إذا الله أراد
المشاركة الأصلية كتبت بواسطة بســومه 
ليش ما قعدتي وياه وقلتي شو سبب اللي يخليك تزوج علي اكيد في سبب
قولي له انا مقصره بحقك قولي واطالعي شو بيقول
سألته أكثر من مره كل مره يكون رده انتي لي وبتمي وماعيج قصور وبس
وكله يضغط علي باسلوبه كله بعيد ورمسته انه بيعرس وانا بكون مستانسه
بس ماعندي شي اقوله غير عيالي اذا مرضوا بروحي اوديهم يتعالجون وكل سوالف البيت علي
بس خايفه ومقهوره
الحمدالله ع كل حال
تسلمي ع الرد
أختي الله يكون بعونج….. أختي لا يكلف الله نفسا إلا وسعها وأنتي قولي لريلج هالكلام
بيتزوج برأيه أنتي ماتقدرين تمنعينه بس هو ماله حق يجبرج اتباركين وتحظرين عرسه بعد !!!!!
ونصيحه هلج لااااازم يعرفون علشان تضمنين حقوقج وحقوق عيالج يعني بعده مأخذها ويتزطط عليج عيل بأجر شو
بيسوي ….وكلي أمرج لله وقوي قلبج علشان نفسج وعيالج ولا ترظين حد يهينج ويقلل من قدرج.