مبارك عليكم ما تبقى من الشهر الفضيل ..
حبيباتي انا اعاني من مشكله و يمكن بعدمليون وحده تعاني منها سلمكم الله انا من فتره سويت واكسينغ و انا الذكيه غير الحلاوة ( الشكر ) ما تناسبني لا فروت ولا شمع و لاشي عاد يتني فلبينيه و قامت تتفلسف عليه قالت اونه احسن حلاوه حلاوة العسل و انا طمه ادري جسمي ما يناسبه هالخربطان الحمدلله شعر ايدي و ريولي شلتهم بسرعه لكنها تازمت في الاندر امز عقب ما خلصت احس بحرقان قلت ما عليه يمكن من الحلاوه الا و اشوف بالباجر المنطقة محسسه و محمره لدرجة ما اتحمل اي شي قمت و حطيت بودره قلت عل و عسى يبرد و افتك مافي فايدة جان اتفلسف و احط كريم بنتي نسيت اسمه هههههههههه هذا اللي قوطيه رمادي من حطيته خفت الحراره و الحمره بس الحين صاير لي بقعه بنيه استحي البس كات والله ما اعرف شو اسوي فياليت حد يفيدني و ينصحني
كنت احط عن الحساسيه وجربي على منطقه صغيره قبل
انتي حاولي ماتحطين شي على المنطقه حتى ديودرنت وبس حطي فازلين الفليل صح ريحته أرف بس شو تسوين
والصبح غسليه يحليلي ايااااام والله اذكر اني كنت احط ايدي على الاندر ارم واتم اقرى على عمري
يعني حتى لو زاد السواد عادي بيخف مع الوقت
ربي يوفقج أختي 
ساهموا في حملة "أعينوهم"
لإغاثة منكوبي المجاعة في الصومال
على قناة "نور دبي"
يومي الثلاثاء والأربعاء 16 – 17 أغسطس
من الساعة 4:00 عصرا – 6:00 مساء
و من الساعة 10:30 مساء – 1:00 فجرا
6212 اغاثة الصومال 20 درهم
6215 اغاثة الصومال 100 درهم
يقول تعالى لنبيه صلى الله عليه وسلم: { قُلْ يَا أَهْلَ الْكِتَابِ لَا تَغْلُوا فِي دِينِكُمْ غَيْرَ الْحَقِّ }
عن عمري بسير عيادة جلدية لأن الأندرآرم منظقة مهمة و ما بهملها ،، و أنتي على راحتج