اخوي ..وزوجته المتعبه لتربية طفلك

اولا هذا نك مال ام بدر >>وانا صديقتها استعرت منها النك بس عشان اكتب السالفه لان اانا مب مشتركه

على العموم اريد اكتب سالفه اخوي كل يوم والثاني ياني مشتكي من زوجته ويقول نصحيها وانه تعب من كثر ما يكلمها بس ماشي فايده معاها

انا استحي وبعد مليت من كثر ماقولها هيه بنفس عمري>>30 مب صغيرة ونحن كنا قراب من بعض بس انا يوم اكتشفت اسلوبها حاولت ابتعد عنها

السالفه انها وايد تشك بريلها بصورة غير طبيعيه وهالشي متعب اخوي معاها

هو من النوع الطيب بشكل ما تتصورون ما يحب يزعل حد ما يحب يضايج حد

ومن البيت لدوام للمسيد او بيمر على اهلي وبس يقول حتى ربعه ما نعتنه من انه يطلع معاهم

تلفونه اول ما يرن هيه تروح تشوف منو داق واحيانا تاخذ ارقام ربعه وادق عليهم بس عشان تتاكد ريال وله حرمه >>المشكله ادق من تلفون ريلها وتسكر في ويهم بعدين يتم هو مفتشل فيهم

يوم يكلم حد تيلس لاصقه على تلفون تسمع صوت

قال ترفع صوتها وايد عليه وتتلفظ بالفاظ مب زينه جدام لعيال والخدم عادي عندها>>لو سويت انا جي شان ذبحني ريلي

ما تقدر ظروف ريلها عنده فلوس وله ما عنده المهم يسوي الي هيه تريده
وعيالها 24 ساعه عند الخدم حتى ترقدهم بليل عند الخدم اولاد وبنات

يمكن كلكم تستغربون من اسلوبها بس والله انها جي واشد بعد ..لدرجه انها تدعي عليه يوم يظهر مكان وفوق هذا يوم بتروح بيت اهلي وله اي مكان
كل سوالف الحريم تقولها حق ريلها >>حتى لو سوالف نسائية بحته

اكيد كلكم تقولون ريلها هو الغلطان والله اعرف بس هذا اسلوبه اخوي مع الكل قلتله كم مره عطاها الحين الحمره شوي يقول ما اعرف >>خصوصا انه مزوجنها عن طريق حب

انا كلمتها كذا مره ترد وتقول انا احبه واعزه واغار عليه وايد

قلتلها مب حب عاد جي

الحين اخوي من يومين ياي عندي ويقولي كلميها عقليها ..انا تعبت من كثر ما اكلمها وفوق هذا ما تحشم حد

اخر مره متكلمه علي وسابتني انا وريلي بس عشان نصحتها

الحين انا ما اريد اروح اكلمها ولكن ما اعرف شو اقول حق اخوي ..