نفكر في الذهاب لمدينة العين غدا بإذن الله واحترنا في موضوع الحجز
أود أن أسأل أولا عن شاليهات المبزرة الخضراء (من ناحية النظافة )
وايضا عن فندق العين الفايضة ( من ناحية النظافة والاسعار )
أتمنى ممن زارت المكانين من وقت قريب ان تفيدني وخاصة ناحية النظافة
ارجو ايضا ان كان هناك اماكن اخرى تكون اسعارها مقبولة (السعر اقل من 400درهم لليلة واحدة ) افادتي
وايضا كيف الجو في مدينة العين هذه الايام؟؟
وجزاكن الله كل خير
مرحبابج ف العين
بالنسبه للجو حلو مب حر ولا برد هذا فلييل اما في النهار حر
شاليهات مبزره حلوه ونضيفه بس ماعرف اسعارها
مانصحج في فندق العين الفايضه بعيد وماشي عداله قولي مقطعه مكانه يزيغ
اذا تبين شي رخيص عندج الماسه للشقق الفدقيه اللي جريب بلديه العين ارخص ونظيف اعتقد ع 250 دقي و حجزي قبل لان مرات يكون عندهم عرس ف الفندق اللي عدالهم ويكون زحمه
انا بت فيها ليلة ..
استغفرك اللهم واتوب اليك
استغفرك اللهم واتوب اليك
اولاً بخصوص عين الفايضه خلاص الغاليه تسكرت المنطقه كامله لانهم بادين في مشروع اليديد واللي بيضم فنادق و شاليهات
بخصوص المبزرة الاسعار للشاليه بو غرفه 1 قريب 600
و بو غرفتين 1000 و خرده بس مستوى النظافه يعتبر ضعيف بصراحه
لو تبين نصيحتي مالج غير الفنادق او الشقق المفروشه
طبعا للتوضيح فندق الماسه للشقق الفندقيه النظافه تعتبر جيده و مش هذا الزود بصراحه سوا كان السوق او الجيمي
والاسعار على حسب علمي 500 و شوي للغرفه
جربي السيتي سيزن قريب الديوان حلوووو و مودرن و نظيف بصراحه
والاسعار والله من قريب متغير بس بامكانج تتصلين و تتاكدين لانه وايد اسعار عندهم
و جربي فندق ايلا اليديد ورا جامعه الامارات للاولاد شي حلو و نظيف و من شهر الافتتاح يعني نظيف
الاسعار ما عندي علم بس جربي بعد تكلمينهم وتاكدي
و جربي دانات العين ( الانتر سابقا ) الارخص بين روتانا و الهيلتون و الميركيور
و نظيف و زين الاسعار بين 450 و 550
ان شاء الله زياره حلوه و اتمنى تتقبلين مروري الغاليه
سبحان الله وبحمده سبحان الله العظيم