————————————————–
السلام عليكم ورحمة الله وبركاته،
بنات رحلتي بأذن الله لمدينة الاثاث في الصين
في شهر 8 وهي لمده ثمانيه ايام بس مادري تكفي المده لتأثيث بيت عباره عن دورين
سؤالي للي أثثت بيتها من هناك كيف جودة البضاعه هناك وكيف وصلت البضاعه سليمه او فيها شي مكسر
وكم المدة لين وصلت ؟
وللي عندها خبرة : خبروني عن المدن اللي زرتوها للتأثيث ، وكم طلعت عليكم التكلفه الاجماليه ،
واذا عندكم رقم مندوب عربي اتواصلتوا وياه وفادكم ياريت تعطوني رقمة يفيدني
طبعا قريت عن تجارب ناس كثير بس انا يهمني تجربة بنات سيدات الامارات
شكرا لكم مقدما ، وفي ميزان حسناتكم ان شاء الله
وصل اللهم وسلم على سيدنا محمد وعلى اله وصحبة اجمعين.
شي لستة بالمترجمين في منتدى المسافرين العرب
بس ترى الاسعار مب وايد رخيصة
كان السكن في قوانزو وكانت مدة رحلتنا تقريبا 20 يوم او اكثر
دام رحلتج قصيره وما اتوقع يمديج فاحجزي شقه في مدينة شوندا لان نحنا كنا نروح من قوانزوا لشوندا 45 دقيقه واذا زحمه عالعصر اكثر عن ساعه والتكاسي غاليه
شوندا هي مدينة الاثاث وارخص عن قوانزو ،،،
فلتي صغيره خذت غرفة نوم وحده وجلسه لصاله رئيسيه جلد بكرستال
وجلسة للصاله الداخليه وطاولة طعام وكراسيها جلد وخذت مكاتب وخزنات وكراسي خاصه لغرفه معينه وطاولة بليارد عتنس ومزهريات اشكال وانواع واحجام وثريات البيت كامله
قعدت ادور لمدة 12 يوم في اخر يومين راحت وياي المترجمه وكتبت الفواتير
وكانت تكاسرهم فالاسعار بعد وهي صينيه مسلمه وايد طيبه وخدومه واذا تبين رقمها عندي
كلفني كامل ويا المكتب والشحن 85 الف + الشحن من مينا زايد فبوظبي لين الفيلا وتركيب الاثاث
بالتوفيق