اشحالكم وشخباركم
بليييييييييييز دعواتكم لها لانها طيوبه وخلوقه وخايفه ربها
دعوااتكم لها الله يفرج همها …..
خواتي بقول لكم السالفه طبعا استأذنت منها قبل ما انزل موضوعها
عندي اربيعتي ف الدوام بنت مؤدبه وخلوقه والكل يشهد لها الاحترام
الله يسلمكم اربيعي تداوم في دائرة حكومية كانت مسؤوله عن التوظيف في إدارة الموارد البشرية
ساعدت وايد ناس في التعيين ومن ضمن هذيلا الناس كانت اختها ؟؟؟؟
المهم عينت اختها وعلى كلامها خبروها اختج لاتعينينها معاج لان طبعج غير عن طبعها
فهي حليله ما اهتمت لهذا الكلام وقالت لهم لا هي بنت ومصاريفها وايد خل تعتمد على عمرها في مصاريفها المهم مرت الايام وبدأ الاستهتار من اختها مع العلم انهم في دائرة فيها حريم وريايل
فتخبرني مرة يافلانه ترا اختج معا فلان وعلان وخبريها هالسوالف في الدوام ما تجوز اختج تتكلم عن فلانه وفلانه وهي حليلها يوم تسمع هالكلام تقول انا مالي شغل انتو تعرفون طبعي وتعرفون طبعها
انا غير عنها
المهم اربيعي انتقلت من ادارة لادارة واختها تمت في الادارة نفسها وهي سارت ادارة برع المبني
عملت الادارة مشروع وها المشروع يكون له داومين دوام الصبح ودوام المسا ومقر العمل يكون في ادارة اربيعتي يعني اختها يابوها عندها فخبرت اختها انتي داومي فتره المسا وانا بدوام الصبح فاختها اعترضت قالت انا ما ابغي دوام المسا ابغيه الصبح وطبعا اربيعي عرفت ليش تبا دوام الصبح عسب الشباب في فتره الصبح يداومون وهي اصرت انه تاخذ دوام الصبح
المهم وكلت امرها لربها وقالت خلاص انا بداوم العصر …..
اربيعتي تمت فتره طويله اتداوم المسا وفجأة اختها خبرتها " انتي ما مليتي من دوام المسا " اربيعتي ردت عليها وقالت لا خلاص انا تعودت على الدوام وتعودت على قروبي
فشوووووووووو سوت
اختها كانت ع علاقة مع الشباب برع الدوام اترمسهم ف الموبايل وثضحك وياهم عادي عندها فمن قبل اسبوع اكتشفت ان اختها مرتبه ويا الشباب انهم لا يخلونها اداوم العصر
يوم الاحد اللي طاف الساعة 9 الصبح طرشها واحد من الدوام يخبرها لا تداومين العصر داومي الصبح
فاربيعتي سارت يوم الاثنين الدوام وطبعا الريايل اللي متفق وياهم اثنين كانوا في ويها اول ما دخلت الدوام سلمت عليهم وقالت لهم شو السالفة انا من فتره ما داومت الصبح وانا دوامي العصر يعني ماله لزمه اداوم الصبح ما شيئ نقص عندكم فهم مصرين انها اداوم الصبح وقالوا لها عندنا الموظف ف المكتب الفلاني اجازة فخلج مكانه الين ما يرد .
قالت لهم حليها مو مشكله بدوام مكان فلان الصبح لكن داومي ف المسا ما بودره لاني تعبانة وبذلت مجهود بكمل وياهم باقي عن الشغل شهرين بكمل ها الشهرين وبرجع اداوم الصبح
خبروها ما يستوي دوامين الصبح والمسا اصرت انها اداوم دوامين المهم طول الاسبوع وهي مداومه صبح ومسا وهذاكله من تدبير اختها عليها حرام حرام حرام اخت اتسوي ف اختها
اخت ترضي الشباب عسب اختها الاكبر عنها
اخت تحفرلاختها لان اختها محترمة والكل يطريها بخير
اخت تتفق مع الشباب ضد اختها
وبصراحه نفسيها وايد تعبانه تعبها خلال 5 شهور بيضيع عليها لان الشباب مصرين انها تطلع من المشروع .وهي تستحي تدخل على المسؤول وتقول لوحد غريب بسير ارمس لكن اسير ارمس عن اختي الناس شو بتقول عنااااااا
محتاره شو اتسوي ما خبرت اهلها بالسالفة اتخاف على امها وبوها
انا خبرتها سيري عند المسوؤل وخبريه بالسالفة فردت علي اسير افضح امي وابوي عشانها هي نحن ف بيت واحد اخاف امي تنهار
بليييييييييييييييييييييييييييز راااااااايكم
اطلب من الكل يدعيلها الله يفرج همها وينصرها على اختها ويهين الشباب اللي واقفين ضدها ويشغلهم باعمراهم
دوام الحال من المحال
الدنيا ماعاد فيها امان ابداااااا
خلها تداوم المسا وتحلص مشروعها وتخبر المدير تقوله فلان وفلان جبروني اداوم الصبح ليش؟؟؟
خليها تكثر من الاستغفار وتحصن نفسها يوميا
انا من رايي انها تخبر امها بالسالفة عشان يحصلون حل ويوقفون هاي الاخت الي انعدمت اخلاقها وانسانيتها عند حدها قبل ما تزيد في سوالفها وبدال ما الناس تتلامز عليهم وتيها اخبار من برع المفروض يتلاحقون عليها لان الشيطان غاونها وخل اتصلي قيام الليل وتدعي حق اختها بالهداية وان الله سبحانة وتعالى يكفيها شرها وشر الشباب الي في الدوام وتدعي بالستر لها ولأهلها وتكثر من قراءة سورة البقرة .
والله يهدي بنات وشباب المسلمين يا رب العالمين
هي بمآ انهآ مسؤوله .. وتعرف أدبر امورهآ..
هالشي مب صعب عليهآ.. تزخ أختهآ وتأدبهآ . وتهددهآآ.. ولو ربيعتج شآفت انه اختهآ استمرت فهالسوآلف البطآليه.. أحسن شي تسوي اي شي عشآن تطرد اختهآ من هالوظيفه.. لانهآ مآتستحقهآا أبدن
لانها سمعه