جمعة مباركة عليكم … و ربي يسعدكم و ينولكم مبتغاكم
اول شي انا عمري 21 جامعيه
عندي اخت ( البكر ) تعدت الـ 30 … قلبي معورني عليه صح كل شي قسمه و نصيب بس فوادي عليها والله
و هي موظفة بمرتبة عاليه … كل ما تنخطب وحده من خواتي اضايق صح هي ما ترمس و ما تقول بس يبين على الشخص … مره تقدم لها واحد الكل استانس كنت اشوف الوناسة بعيون اخواني و امي و ابوي و بنفس الفترة تقدم واحد لاختي الثانيه بس محد اهتم قد ما اهتموا بالبكر. ،،، المهم بفتره قصيره بعد الملكة اطلقت والله قلبي عورني عليها مع انه قرارها مع اقناع ابوي و اخواني و خالي لها تفكر بس هي اصرت ،،،دوووم. بالي مشغول عليها ما شاء الله موظفه و جميله و حبيبه و حياتها مستقله .. و الحين محد فالبيت غيري انا و هي و اختي اخر العنقود و الباقيات معرسات ما شاء الله .. اتمنى انه ربي يرزقها الزوج الصالح و يسترها والله بطير من الفرحه
كل ما اشوفها ادعي لها بقلبي انا اللي اقرب وحده لها من خواتي دوووم معاها سوالف و طلعات مب مقصره وياي و حتى اهلي مب مقصره معاهم بس ناقصنها الزواج و بتكتمل و الكامل الله … احيانا ابوي يقول لها رمسه بدون ما يقصد بس لو تنقال حقي بنجرح … ادعولها بهاليوم العظيم ربي يرزقها بالزوج الصالح
ادري الرمسة معفوسه بس والله قلبي معورني عليها و ابي حالها يتيسر
تراني ما اروج لاختي بس هاي رمسه بقلببي ماروم ارمسها لاي حد
ويا رب الله يرزق اختج بالزوج الصالح بالقرب العاجل
ما تدري ممكن اليوم ولا باجر ايونكم ناس يخطبوها
وبعد اهي مب كبيرة وايد عادي يغرسن ب30 بعدها شباب
المشاركة الأصلية كتبت بواسطة اسيرت شوق 
ويا رب الله يرزق اختج بالزوج الصالح بالقرب العاجل
ما تدري ممكن اليوم ولا باجر ايونكم ناس يخطبوها
وبعد اهي مب كبيرة وايد عادي يغرسن ب30 بعدها شباب
ههههههههههههههه. اهم شي عيبج فديتج
اتمنى والله ربي يرزقها بالزوج الصالح اللي يستاهلها و يقدرها فديتها
مشكووره فديتج ❤️
بس انا ما بفر عمري على اي حد .. للازم اكون مقتنعة قناعة تامة ويكونن الشخص زين ..
بعدين البنتت يوم تتزوج وهي صغيره ما تدقق ع اشيا كثيرة وما تكون عارفه شي فالدنياا .. وخاصة لو ما كانت تداوم وتتعامل مع الناس
لكن بعد الدوام وبعد ما تكبرين بتكوني شفتي كل انواع البشر .. وبتتعقدين اكثر ههههههههه
وانا عن نفسي يوم اشوف مشاكل المعرسات اللي ما تخلص اقول الحمد لله اني ما اتزوجت وانا صغيره ..طبعا كل شي له ايجابيات وسلبيات وماحد عاجبه وضعه .. المتزوجة تقول قبل كنتت مستانسة اكثر واللي مب متزوجة تقول ابا اتزوج . .. بالنهاية الزواج لا يعني السعادة .. خاصة فهالزمن اللي الريياييل فيه ما عندهم حس بالمسؤولية …
وان شاء الله ربنا يرزقها ويرزقنا بالازواج الصالحين
والله يرزقها
وبعدين 30 مب وايد عوده
نحن مشكلتنا المجتمع و نظرته للبنت اللي تطوف ال 25
اهم شي انتي ما تحطين براسها ان ناقصنها الزواج ! او كل مرة تعبرين لها ان امنيتج تشوفينها عروس ومن هالكلام
الحمدلله نفس ما قلتي مب ناقصنها شي والله يرزقها بأكثر من اللي عندها
و الزواج ان شاء الله بيي بوقته ان شاء الله ^^
الله يرزقها عاجلا غير آجل يا رب