انا ما ادري ليش المشاكل تتحذف علي من كل صووب
انا واختي نداوم في نفس المدرسة والطلعة كانت امس الساعه 1 الظهر ونحن والمدرسات يالسين في حجرتنا وهي في الطابق الثاني وبعيده نوعاما
المهم يالسين من الساعه 8 الصبح وعلى الساعه 12ونص قمنا انا و3 مدرسات كنا يايبين اكل نلقط مواعينا نبغي نوديهم السيارة مع العلم ان نحن مبركنين برا المدرسه يعني يبيلنا مشي ربع ساعه والين انشغل السيارة وانحرها تكون صارت وحده
المهم اختي يالسه قالت لنا وين سايرين .. قلنالها بنروح .. قالت بعده وقت .. وما خلتنا نرمس والا تقووول انتوا انذال بتودرونا اروحنا مع العلم ان الغرفة متروسة مدرسات كان اقوولها .. كيفنا كيفنا محد له شغل فينا .. والا تعصب وتقوووول خلاااص لا تكلموني ولا اكلمكم ولا ترابعوووني انتوا ما تنعطووون ويه
بالله عليكم شووفوا قلة العقل
المهم نحن ظهرنا ووحده من المدرسات تمت اتصيح لانها اتفاجأت بردة فعل اختي الغير متوقعه
المهم من امس ما شفت اختي واليوم في المدرسة ما يت الغرفة والساعه 11 طلبنا ريووق المدرسات حليلهم ما حطوا في خاطرهم وقالوا عادي لي شفناها بنرمسها …ويوم وصل الريووق سرنا دورنا عليها ولقيناها وزقرناها .. تعالي يا ام فلااان كلي ويانا … والا تقووول .. ما ابا اكل من اكلكم
يلسنا كلنا ونحن نسوولف كان اتقوووول… اذا خلصتوا اكل قوموا اطلعوووا برا
طبعا ربيعتي ما اتحملت وظهرت وتمت تصيح وانا خذتني العبرة … ويوم روحت البيت كان امي ادق علي وتقوول شوو هالسالفه اللي مسويتنها لاختج يايتني امس في الليل واتصيح واتقوول انا هزأتها
طبعا انا مصدوومة لانها شرشحتنا جدام مدرسات ما نعرفهم وعسب قلت لها كيفي انا حره استويت راعيه مشاااكل
انا اعرف ان اختي عصبية وانفعالية بس المدرسات شو ذنبهم
وانا ما سويت شيء عسب تجلب علي ولا ربايعنا سووا شيء حليلهم
هااي كيف اتعامل وياها لا تقوولون اعتذري لها انا ما غلطت في شيء وعادي ترا لي شافتني تطردني
الله ايعيـــــــــــــــــــــنج عليها
شو ذنب المدرسات تطردهم من الغرفه ليش تخلي الناس تاخذ عنها فكره غلط الله يهديها بس صدقيني مشكلتج بتنحل اذا طلعتي بيت بروحج
لاتعتذرين منها و لاشي خليهاا تحس شوي
وانتي قلتي اختج عصبيه بس اللي يضايق انها تنرفزت جدام المدرسات !!!
ماتدرين يمكن نفسيتها تعبانه او عندها مشكله !!!
روحي لها وكلميها بكل هدوء واستفسري منها وهدي الاوضاع…
انا لو مكانج بحط لها الف عذر حتى جدام المدرسات….
مهما كان انتو خوات ومالكم الا بعض 
الله يسهل اموركم وترجعون مع بعض زي السمن على العسل ….
ولاتتضايقين تراها تحصل في احسن العائلات هههههههههه
المشاركة الأصلية كتبت بواسطة لورا 
وانتي قلتي اختج عصبيه بس اللي يضايق انها تنرفزت جدام المدرسات !!!
ماتدرين يمكن نفسيتها تعبانه او عندها مشكله !!!
روحي لها وكلميها بكل هدوء واستفسري منها وهدي الاوضاع…
انا لو مكانج بحط لها الف عذر حتى جدام المدرسات….
مهما كان انتو خوات ومالكم الا بعض
الله يسهل اموركم وترجعون مع بعض زي السمن على العسل ….
ولاتتضايقين تراها تحصل في احسن العائلات هههههههههه
شكلي بسير ارمسهاااا
لان خواتي منصدمات بس قالولي ماعليه سيري انتي رمسيها نحن نعرف انج الاعقل
خخخخخخخخخخخخ
والمدررسات عقب الطردة المحترمة خايفين يواجهونها ويقولون سيري انتي رمسيها واذا رضت عنج بترضى عنا خخخخخخخخ
والمثل يقول روح بعيد وتعال سالم وعسى الله يصفي النفوس