بداية ابى اقول انه هاي مشكله وحده اعرفها و تبى الحل و انا ما اشارك بس احب اطالع هل المدونة بس عشانها راح اشارك
.gif "12 (61)")
المشكله اهي ربيعتي من اماره و تزوجت واحد من اماره ثانيه و الزواج كان تقليدي يعني لا اتعرفه و لا ايعرفها و حتى الملجه صارت قبل العرس باسبوعين يعني ما يمديلها اتكلمه او بالاحرى ما كلمته بالفون ابد .gif "12 (100)")
ويمكن لو كلمته يتعرف حالته و بتنفصل ..
المهم ربيعتي من النوع البارد يعني وفرت على ريلها وايد لا سوت حفله خطوبه و لا ملجهولا فرقه اللهم دي جي ولا سفره ( بدوله بس ) و ماطلبت مهر يعني الي ايبونه >>>>>يابلوها 80 الف
يعني وايد قنوعه و طيبه بالحيل ..
المهم بعد العرس حبته وايد لانه كان طيب وياها و هو بعد تعلق فيها وايد وايد ابد ما ايخشون شي على بعض و حتى الحين ايحبون بعض الله يديم المحبه انشاءالله قولو آمين …>>>>>> وين المشكله عيل .gif "12 (29)")
المشكله يا بنات اكتشفت انه ريلها فقير يعني راتبه اشوي و المصيبه عليه اديون فوق 400 وهاذا بعدهم ما كونوا اسره يعني بعد يبى ياخذ قرض للبنى و ما إلى ذلك و اهي يا بنات عندها شهاده جامعيه بس تخصصها رياضيات وما اداوم و كل ما تبى اتقدم مكان ايقولون ما نبى تخصصج .gif "12 (93)")
لانها تبى اتساعد ريلها لانه وايد مهموم هو ندم انه حط عليه اديون بس ما ايروم اسوي شي و هي ما اداوم …
و المصيبه يا اخوات انه اهو كريم يعني يعطي اخوانه و اول اسبوع ايكون راتبه طار
وهي حامل وجريب اتربي و وايد خيفانه اتقول على اني احبه و اموت فيه بس ما اقدر اعيش هالعيشه يعني بعيده عن اهلي ( الوحده ) و هو وايد يطلع و الحين سالفة البيزات اتقول انا بحرم عمري من وايد اشياء عادي عندي بستحمل بس جو ذنب الي في بطني ..
و اتفكر تطلق و تتنازل عن كل شي >>>>>>>>>> الاخت ما تبى اتكلف عليه ازياده
بس اتعيش عند اهلها هي و الي في بطنها عسب ما اتحسس الي في بطنها بالنقص و تبى اتعيشه احسن عيشه …
و للعلم اهله نفسي نفسي و اتحس عمرها ولا شي لانه اهله كلهم يشتغلون ان كانو ريياييل و لا حريم …و يلبسون مار كه و لبس وجيه و هي تلبس حتى الحين من الزهبه
فهي تبى منكم النصيحه و المشوره لان عينها غدت حنفية من كثر الصياح ..
>>>>و طلب اخير اتقول لا تجرحون ريلها مهما كان اهو ريلها و حبيبها
للحين مافهمت شي
بس مستغربه معقوله تحبها وتبى تتطلق لانه فقير وخايفه على اللي ببطنها؟
خايفه عليه يعيش فقير
ومو خايفه يعيش بدون ابو؟؟
غريبه موضوعج
بس قوليلها ياما ناس عندهم ديون وورواتبهم شوي بس عاسشين مرتاحين وياما ناس ف قصور ومايعرفون بعضهم ولاجنهم اخوان!!!!!!
لاتخلي ولدها يعيش بدون اب عسب سبب سخيييييييييييف جدااااا مع احترامي لج ولها
تقبلو مروري^^
يعني الفقر لا هو عيب ولا هو حرام
وكل مولود ايي رزقه معاه
خلي ربيعتج تفكر بعقلها مو بعاطفتها
وألي في بطنها ما راح اييوع المهم يكون عند ابوه
لو انا منها مستحييل اتخلى عن ابو عيالي بس عشان ابي اعيش ولدي وألبسه ماركات
وما تعرفين متى يتغيرالحال بعد
ياما فقير اصبح غني وياما غني اصبح فقير
وربي يسهل عليها وفرجها,,
المشاركة الأصلية كتبت بواسطة uae334 
للحين مافهمت شي
بس مستغربه معقوله تحبها وتبى تتطلق لانه فقير وخايفه على اللي ببطنها؟
خايفه عليه يعيش فقير
ومو خايفه يعيش بدون ابو؟؟
غريبه موضوعج
بس قوليلها ياما ناس عندهم ديون وورواتبهم شوي بس عاسشين مرتاحين وياما ناس ف قصور ومايعرفون بعضهم ولاجنهم اخوان!!!!!!
لاتخلي ولدها يعيش بدون اب عسب سبب سخيييييييييييف جدااااا مع احترامي لج ولها
تقبلو مروري^^
من متـى كان الريال ينحكم عليه بفقره !
صراحـة للاسف الماديات طغـت على بعض الناس لدرجـة ما تتصور ( الطلاق مثلا !!)
احس عيب ومب من حسن الخلق ان المرأة تتخلى عن ريلها لإنه مب الي طايح على فانوس علاء الدين !
يعني الريـال مب هو بنك الحرمـة إذا فيه بيزات ها الي تبغاه
وإذا بدون رصيد تعقـه !!
الريـأل خلوق ويعاملهـا بالطيب !
شو تتريا بعد 
!!
شو ذنب البيبي يكبـر بدون اب لإن أمه كانت ماديـة وأنانية ومافكرت إلا بالبيزات !
الأسر تنبني على الحب والمودة ومب على الفلوس
يامى ناس أغنياء وعيشتهم تكسر الخـاطر
وياما ناس فقارة تحسدينهـم سبحان الله على سعادتهم ^_*
القنـــاعة كنز لا يفنـــى
وهذا الشي الي لازم ربيعتج تعرفــه
محد يموت من الجوع
الأرزاق بيد الله سبحـانه وتعالى
(و لإن شكرتم لأزيدنكم).
الإنسـان يحمد الله على النعـم الي فيهـا
على الصحـة والحمل السليم
الزوج الطيب الي ما يتحصل هالايام !
الحياة الكريمـة دبون مبالغـة ولا إسراف ..
الإنســـات يشوف الناس الي ميتـة من الجوع ومن قلـة الصحـة ومن الفياضانـات والكوارث
وما يشوف الي شل الماركـات لعـل ما في قلوبهـم اشد كدرا
ياريت تتقي الله في ريلها وفي البيبي وتستعيذ من الشيطان الرجيم
وتستغفـــر ربهـــا وايد .. والله يهديهـا ويصلـح من حالها
صراحـة مصدومـة ..
لا إلـــه إلا أنـــت سبحـــــــــــــــانك إني كنت من الظالميــــــــــن
وشو هالعقليه ! تحبه وتبا تتطلق بس لانه فقير .. مايسدها حبه لها ؟ معقوله نست تعامله وأحسانه عليها وطيبته؟
تحمد ربها أنه فقير مادياً وهب فقير عاطفياً .. غيرها يتمنن هالشي ..
لا ترفس النعمه بريولها .. ومحد يعلم الغيب .. يمكن الحال يتبدل في يوم وليله ..
الله يهديها ..