قصتي اني متزوجة من 3 سنين وما حملت اول سنتين ما رحت سالت عن سبب التاخير قلت بستانس اول
والسنه الثاثة بديت اشوف شو السالفة..المهم رحت عند دكتورة مصريه قالت مافيج شي ورحت عن هنديه وقالت كلوو تمام
ورحت عند الدكتورة نظال وقال فيني تكيس بسيط وبتعطيني ابر منشطة بعد ما اعطتني كلوميد وقالت تعالي ثاني يوم دورة
رحت عند فوفو اللي في العين وقالت فيج تكيس بسيط وعطتني كلوكوفاج وماشربته للحين وقالت تعالي ثاني يوم دورة
رحت عند ام صقر اللي تمرخ وتمسح قالت لي فيج خرعة (زوغة) وني بطول على ما احمل وتعالي رابع يوم دورة
رحت عند الدكتورة نهى في مركز الطب البديل وقالت لي مفيش غير الحجامه وسوت لي 26 قلاص وقالت لي تعالي الشهر هاذا وما رحت
الحين الدورة بعد خمس ايام وابا اعررف منين ابدا
كل وحدة تختار الاجابه اللي تشوفها مناسبه ولو ترتبون لي من الاول للاخر احسن
1) الدكتورة نظال
2)الدكتورة فوفو
3)الممرخة ام صقر
4)الدكتورة نهى
شكرا
تميت اتنقل من عياده لثانيه و لفيت لفه داخل الدوله و برع
بس نصيحه استقري على عياده وحده انا حاليا مستقره عند الدكتوره ادناديسوزا-عياده الشفاء- اللي فخور فكان وبنفس الوقت اروح عند بيبي اللي تمسح فدبا
و احس في مفعول من ادويه الجلوكوفاج و اللي توصفه و لا تاخذين ابر منشطه ابد لاني خذتها عند فوفو و وايد تعبت
هذا تجربتي الخاصه
و عسى ربي يرزقنا كلنا
مالج غير رب العالمين ^^
عليج بالاستغفار وقراءة سورة البقره
والله يرزقج الذريه الصالحه
وادعيلي اقوم بالسلامه انا والبيببي
ما ادري افضل انج اتجربين الحجامه يمكن ربج يرزقج بدون ادوية وتعب .. ولا تنسين عزيزتي الاستغفاااار والدعاااء والصدقة والله اثرها عجيب لكن لابد من اليقين ..
وفي شي انا مستغربة منه اشوف وايد البنات اهنا يرمسن عن الدكتورة فوفو وانا اللي كنت اعرفه عنها من سنين ان سمعتها سيئه !! والها سوالف وعلوم .. ؟؟