والله يا خواتي فرحت ع ردودكن والحمدلله حصلت تجاوب
و نفس ما قلت قبل لازم نصفي النية لله عز وجل
ولازم تكون عندنا الارادة القوية
……
العضوات المشاركات ..
مياسة الامارات " حيااااااااااااااااااااااااج الله " ويانا
bulbula " هلا فيج حبيبتي .. وعادي اذا ما صمتي والله ما ابي اكسر بخاطرج بس الغالية لازم تقللين طول اليوم "
شواخي111 " هلا فيج والله يا مرحبابج وان شا الله نوصل للي نباااه"
أم مشاري " هلا والله ..عادي الغالية لو مع منو مشتركة عادي بس التزمي ويانا بعد ."
ام عبدلله 2 " هلا الغالية .. وان شا الله كان اتفاقنا من البداية انه النية لله عز وجل "
…………
اهم النقاط المطلوبة في المشاركة …
@ للتواتي سيصومن معنا
– السحور —- يكون من 7 تمرات + كوب حليب او ماء او شاي اخضر
– الفطور—– نبدا ب 3 تمرات +كوب ماء …. بعد صلاة المغرب ..فطور خفيف جدا ولو نبداه بسوائل افضل المهم يحتوي على العناصر الغذائية المفيدة .. يعني سلطات او اي اكلة خفيفة
المهم اشيا ممنوعه :
السكر ( السكرالبني مسموح فيه ولكن اقل كمية )
النشويات = اقصج زيادة عن اللزوم مانحتاج
المشروبات الغازية
الحلويات
الزيوت والدهون
عصائر جاهزة مثل الي في الدكان او الجمعيات ممنوعه نهائيا " اي خاطرها في عصير يكون شغل بيت "
….
هاي اهم النقاط للحين .. رجاء بنات نلتزم عشان نحقق الي نبيه يلين العيد
ونكون "غير في هالعيد "
بيكون جدامنا 20 يوم بالضبط من باجر لرمضان يعني
20 من شعبان + 30 يوم ان شا الله من رمضان = 50 يوم .. ان شا الله نحقق فيها انجاز عظيم
المهم على رمضان بنتفنن شوي في الفطور وبنخلي ايام للراحه لكن مو راحه راحه راحه حلوه وبسيطة ان شا الله
وعلى الاجازة الرسمية " اقصد ايام الدورة " بعد لازم نحاول نقلص من الاكل
…
اهم الشروط :
* شرب شاي اخضر يوميا بعد الفطور يعني على كيفكم تبون بعده بساعه بساعتين ع راحتكم بس ممنوع شي اسمه وجبة " العشااااااااااء "
* لعب اي تمرين وعلى الاقل لو لمدة نص ساعه يوميا او 20 دقيقة اي تمرين تبينه
* بنات انا قريت عن فؤائد خل التفاح وخاصه بعد الاكل الي تقدر تفيدنا في هالمعلومة زين وجزاها الله خير ممكن نتبعها
*بنات انا ناويه انزل موضوع شامل بس يكون للمشاركات .. عن الاعتناء الكامل بالجسم يعني بما ان قاعدين نسوي ريجيم ونصوم باذن الله نكمل المشوار ونهتم بشرتنا وشعرنا .. اقصد من هالناحية الي تبا هالشي تخبرني لان اذا لقيت اقبال عالموضوع بحاول انزل باقرب وقت
………
اهم نقطة للمشوار هي …
كل مشاركة تكتب طولها ووزنها هالحين …
عشان نعرف الفرق .. وان شا الله كل عشر ايام بنوزن وبنشوف الفرق … هااااااااااااااااااااااا يعني الي بتشتغل عدل بنعرفها ولازم نشجع بعض ان شا الله …….
"انا بكون غير في هالعيد ان شا الله "
………………………………………….. ………………
الرجاء فقط من العضوات المشاركات الرد فقط
اما غير المشاركات يمكنهن الاستفاده وشكرا …. [/SIZE][/COLOR]
يساهم خل التفاح في إنجاح أي نظام لتخفيف الوزن ، فهو يستخدم بمعدل ثلاث مرات في اليوم بعد كل وجبة وتكون الجرعات ملعقتين صغيرتين أو ملعقة أكل من الخل يضاف إلى ملء كوب ماء بارد وتمزج جيداً وتشرب مباشرة بعد الوجبة.
ولكن البعض يتناولون خل التفاح على الريئ على معدة فارغة ، ولكن لا ينصح الأطباء بذلك لأنه من الممكن أن يتسبب فى حدوث قرحة بالمعدة ، ولا بد من مزج خل التفاح مع الماء إذا كان الاستخدام شرباً ويمكن استخدامه بدون تخفيف إذا أضيف مع السلطة، حيث انه سيمزج مع السلطة فيؤكل وبذلك يعتبر مخففاً .
قرأته زمان وحفظته عندي في المفضلة ..
وإن شاءالله نبدأ من بكره ما نبغى نتأخر …
بس جودية كنت ناويه اصوم اليوم مثل ماقلت لكم امس بس جات الضيفة الي تزورنا كل شهر قبل الفجر … بس مو مشكلة راح اخفف مرررررررررره وماعندي اي مشكلة …
وأهم شئ نبغاه الحمااااااااااااس … ومانبغى تخبيص … يا ويلها الي تخبص .. هههههههه
تصدقون تفاجأت قبل امس وزنت وياليتني ماوزنت …
دائما وزني الحمد لله حلووو يعني قبل الحمل كان 42 كيلو .. وبعد الحمل صار 48 كيلو … وكان حلووو لأن طولي 160 ..
بس تفاجأت يوم وزنت امس طلع وزني 55 كيلو .gif "12 (100)")
والله انقهرررررررررررت .. مع انه مو باين اني تخنت مره يمكن لأن طولي مخفيه …
يعني الآن أنا ..
طولي : 160 ســم
وزني : 55 كيلو
ابغى يصير وزني مثل قبل الحمل والولاده 42 كيلو أو على الأقل 45 ماابغى اكون طماعه مرررررررررره …
يالله ننتظر ردودكم خواتي شواخي … أم عبد الله 2 … مياسة الإمارات … bulbula.. وانتي يا جوديه ماحطيتي وزنك لسه ..
وكل شوي تعالوا هنا نبغى نشوف وش صار معكم ..
وبالتووووفيق يارب وإن شاءالله نصير في هالعيـــــــــد غيــــــر ..
…
المهم الغالية الوزن والطول
وانا ان شا الله بصوم من باجر … وبعد الافطار قريب العشاء بشرب ملعقة خل التفاح +كوب ماء بارد وان شا الله بستمر عليه
….
انا وزني احم احم احم هههههههههههههههه
وزني 75 ..هذا اخر مرة وزنت بشوف اليوم وبرجع احطه
والطول 153
أخاف تختفين ( ههههههههههههههههههه )
عيل احنا شو نقول ؟؟؟؟ جازورا مستويه
يالله يابنات شدوا الهمه …
طولي 169 …. ووزني 76
الوزن المطلوب 60 كيلو …. يعني لازم انزل 16 كيلو
دوم طموحي ماله حدود … بس للأسف ما انفذ شي فديتني …
لكن لا وألف لا … بديت وياكن وان شاء الله بواصل
طبعا عندي ضيفة شهرية … وبعد ما تروح ان شاء ببدأ الصوم … وبديت اخفف الاكل من أمس ..
جودية أنا عندي سؤال هل الشاي الأخضر هو الشاي الصيني ..؟؟؟
وكيف تسويه أنتي ؟؟ مع الزنجبيل مثلا أو بدون .. وإذا عندك صورة له ياليت تورينا ..وكم كمية السكر ؟؟
وبخصوص التمرين .. بطلع الآله الي شريتها بعد الولاده اسمها توتل قم .. الكل قالي لاتستخدمينها لأنك مانتي محتاجه ماشاءالله ……… بس الحين جات حاجتها وبقووووه بعد خخخخخخ